Bakı/18.09.19/Turan: Ermənistanın polis rəisi Valeri Osipyan baş nazir Nikol Paşinyan ilə ağır söhbətdən sonra istefa barədə ərizə verib. Bu haqda sentyabrın 18-də səhər bəzi KİV bildirib.
Bir gün öncə Təhlükəsizlik Şurasının iclasında baş nazir polisdən fəallar tərəfindən bağlanmış Amulsar qızıl yatağına gedən yolun açılmasını tələb edib.
Osipyan əməliyyatın sakit keçəcəyinə şübhə ilə yanaşdığını bildirib və güc tətbiqinin təhlükəli olduğunu deyib.
Bunun cavabında Paşinyan deyib ki, əgər polis rəisi bunu etmək iqtidarında deyilsə, əməliyyat ilə polis qoşunları komandanı Vaqe Karazyan məşğul olacaq.
Yüksək tonda danışıq Osipyanın istefa ərizəsi verməsi ilə nəticələnib.
Xatırladaq ki, bir gün öncə Paşinyanın yanında Milli Təhlükəsizlik Şurasının rəhbəri Vanesyanla da oxşar münaqişə baş verib və o da istefa verib. Rəsmi məlumatda o, hakimiyyəti səriştəsizlikdə və dövlət səviyyəli məsələləri həll edə bilməməkdə ittiham edib.02D-
Siyasət
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
-
Noyabrın 28-də ictimai fəal İlhamiz Quliyevin işi üzrə növbəti iclas keçirilib.
Rəy yaz