Nikol Pashinyan
Bakı/12.11.20/Turan: Qarabağın beynəlxalq aləmdə tanınması mütləq prioritetə çevrilir, bu barədə cümə axşamı Ermənistanın baş naziri Nikol Paşinyan xalqa müraciətində bildirib.
Onun sözlərinə görə, Qarabağ məsələsinin və Qarabağın statusunun yekun həlli prinsipial əhəmiyyət daşıyır.
“Bu məsələdə bizim vəzifələrimiz dəyişmir və Arsaxın beynəlxalq aləmdə tanınması mütləq prioritetə çevrilir. Və mahiyyətcə, indi Arsaxın beynəlxalq aləm tərəfindən tanınması üçün daha tutarlı arqumentlər var”, - o qeyd edib.
Baş nazir deyib ki, Qarabağın ermənilərin nəzarətində qalan hissəsində Rusiya sülhməramlıları Laçın dəhlizilə, o cümlədən Şuşa rayonunda Ermənistanla fasiləsiz əlaqəni təmin edəcək.
"Rusiya sülhməramlıları təhlükəsizliyi təmin edəcək və Yerevan -Stepanakert əlaqələri etibarlı olacaq. Sülhməramlılar Qarabağın sərhədlərinin təhlükəsizliyini təmin edəcəklər. Sakinlər tezliklə öz doğma evlərinə qayıtmalıdırlar. Ermənistan və Arsax dinc həyata qayıtmaq üçün mümkün olan hər şeyi edəcəklər", - Ermənistan KİV Paşinyandan sitat gətirir.
Qeyd edək ki, bu bəyanat noyabrın 10-da Putin, Əliyev və Paşinyanın imzaladıqları üçtərəfli sazişin mahiyyətinə və ruhuna ziddir, demək olar ki, onun reallaşmasını əngəlləyir. -02D-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz