Paşinyan yolların acılmasının Ermənista faydalı olmasından danışdı

Bakı/20.03.21/Turan: "Kommunikasiyanın  açılması həm Ermənistana, həm də Azərbaycana sərfəlidir. Yolların açılması Azərbaycana sərfəlidir, çünki Naxçıvanla əlaqə əldə edəcək və Ermənistana sərfəlidir, çünki bizə Rusiya və Iranla etibarlı dəmir yolu əlaqəsi lazımdır. Bu o deməkdir ki, iqtisadiyyatımız əhəmiyyətli dərəcədə dəyişə bilər ", - deyə Ermənistanın baş naziri N.Paşinyan 20 martda Araqatsotn vilayətinin Yerkin Bazmaberd kəndinin sakinləri ilə görüşdə bildirib.

Bu barədə "Sputnik-Ermənistan" xəbər verir.

Baş nazirin çıxışında bu ifadə ilə yanaşı, Bakının erməniləri Qarabağdan qovmağı planlaşdırdığını, lakin nail olmadığını söylədiyi anti-Azərbaycan hissəsi də olub.  Amma ermənilər Qarabağda yaşamağa qaldılar, -  baş nazir vurquladı.

"Ümid etməməliyik ki, biz Qarabağ məsələsini tez həll edə bilərik. Lakin  bölgədəki kommunikasiyaların kilidini açmaq üçün irəliləmək lazımdır ", - Paşinyan əlavə etdi.

Xatırladaq ki, Azərbaycan, Ermənistan  və Türkiyə arasında kommunikasiyanın  açılması Azərbaycan, Rusiya və Ermənistan liderlərinin 10 noyabrda qüvvəyə minmiş Dağlıq Qarabağda atəşkəs barədə üçtərəfli bəyanatında nəzərdə tutulub. Ermənistan cəmiyyətində bu qərarın faydası və ya ziyanı barədə vahid fikir yoxdur.-0-