People in Need İntiqam Əliyevi 2012-ci ilin ən yaxşı hüquq müdafiəçisi mükafatına layiq görüb
Praqada yerləşən “People İn Need” beynəlxalq qeyri-hökumət təşkilatı Azərbaycan hüquqşünası, Hüquqi Maarifləndirmə Cəmiyyətinin sədri İntiqam Əliyevi 2012-ci ildə dünyanın ən yaxşı hüquq müdafiəçisi mükafatına layiq görüb.
O, bu mükafata cəsurluğuna və hüquq-müdafiə fəaliyyətində müstəsna məqsədyönlülüyünə görə layiq görülüb. Mükafatı təqdimetmə mərasimi martın 4-də Praqada İnsan hüquqları üzrə Beynəlxalq Sənədli Filmlər Festivalının açılışı çərçivəsində keçiriləcək.
İntiqam Əliyev Avropa Məhkəməsinə 200-dən çox işin göndərilməsini təmin edib, 40 halda Strasburq Məhkəməsi onun müvəkkillərinin hüquqlarını bərpa edib
Bu, seçki hüququ, sərbəst toplaşmaq azadlığı, söz azadlığı və ədalətli məhkəmə təhqiqatı hüquqlarının pozulması ilə bağlı işlərdir.
Bundan başqa, Əliyev dinc etiraz aksiyalarının həbs edilmiş iştirakçılarına hüquqi yardım göstərir. “İntiqam Əliyev Azərbaycanda ədalətsiz olaraq təqib olunan insanların müdafiəsində ən cəsur və ardıcıl hüquq müdafiəçilərindəndir”, deyə People İn Need-in demokratiyanın və insan hüquqlarının inkişaf mərkəzinin direktoru Mark Svoboda bildirib.
Onun sözlərinə görə, Əliyevin fəaliyyətinə yüksək qiymət verən təşkilat eyni zamanda Azərbaycanda repressiyalara və demokratiyanın pozulmasına diqqət çəkir.
Üç həftə əvvəl Bakıda bölgələrdə xalq iğtişaşlarının iştirakçılarına qarşı repressiyalara etiraz aksiyası keçirilib. Bu aksiya zamanı İntiqam Əliyev saxlanılıb.
20 ildən çox peşəkar fəaliyyəti ərzində İntiqam Əliyev yüzlərlə insanın – jurnalistlərin, blogerlərin, fəalların, hüquq müdafiəçilərinin hüquqlarını müdafiə edib.
Sözügedən mükafat 1994-cü ildən təqdim edilir. Onun laureatları Çin dissidenti Lyu Syabo (sonradan Nobel Sülh Mükafatına layiq görülüb), Belarusiyalı hüquq müdafiəçisi Ales Belyatski və başqaları olub. -06D-
-
- İqtisadiyyat
- 20 Fevral 2013 17:58
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz