Chairwoman of the Council of Ministers of BIH Borjana Krišto met in Sarajevo with Minister of Economy of the Republic of Azerbaijan Mikavil Jabbarov.
Prezident Əliyevin Bosniya və Herseqovinaya səfəri ərəfəsində Cabbarov Sarayevoda Krişto ilə görüşüb
Bakı/13.03.23/Turan: Azərbaycan prezidenti İlham Əliyevin Bosniya və Herseqovinaya bugünkü səfəri ərəfəsində Bosniya və Herseqovina Nazirlər Şurasının sədri Boryana Krişto Sarayevoda Azərbaycanın iqtisadiyyat naziri Mikavil Cabbarovla görüşüb.
Bosniya və Herseqovina hökumətinin saytı bildirir ki, tərəflər iki ölkə arasında münasibətlərin yaxşı olması və həll edilməmiş məsələlərin olmaması və bunun həm ikitərəfli, həm də çoxtərəfli əməkdaşlığın gələcəkdə möhkəmləndirilməsi üçün əlverişli zəmin yaratması ilə razılaşıblar.
Krişto nazir Bosniya və Herseqovinanın iqtisadi inkişafı ilə bağlı planlaşdırılan tədbirlər barədə Cabbarova məlumat verib. O qeyd edib ki, dünyada ən sürətlə inkişaf edən iqtisadiyyatlarından biri kimi Azərbaycan Respublikasının təcrübəsi onun ölkəsi üçün dəfələrlə faydalı ola bilər. Bu kontekstdə iqtisadi əməkdaşlığın, (o cümlədən Azərbaycan investisiyalarının artırılması hesabına) fəallaşması perspektivlərinə xüsusi diqqət yetirilir, Krişto deyib.
Nazir Cabbarov deyib ki, Azərbaycan Bosniya və Herseqovina ilə yaxşı siyasi münasibətləri yüksək qiymətləndirir. O, ümumi maraq doğuran layihələrin müəyyənləşdirilməsi və həyata keçirilməsi yolu ilə iqtisadi münasibətlərin yaxşılaşdırılmasında maraqlı olduğunu bildirib.
Krişto indiyə qədər Bosniya və Herseqovinaya göstərilən bütün yardıma görə Azərbaycana təşəkkür edib.—0—
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz