Bakı/06.02.18/Turan: Prezident İlham Əliyev fevralın 6-da ABŞ dövlət katibinin müavininin müşaviri xanım Bricet Brinki qəbul edib. Bu barədə prezidentin saytı məlumat verib.
Görüşün təfərrüatı açıqlanmır. Qeyd edək ki, B.Brink İ.Əliyevin növbədənkənar prezident seçkiləri elan etdikdən sonra görüşdüyü ilk Qərb diplomatıdır.
B.Brink Dövlət Departamentində ABŞ ilə Ukrayna, Gürcüsran, Moldova, Belarus, Ermənistan və Azərbaycan arasında əlaqələrə məsul şəxsdir.
Görüşdə Azərbaycanla ABŞ arasında əməkdaşlıq məsələləri müzakirə edilib, "Cənub" qaz dəhlizi layihəsinin reallaşması, Qarabağ münaqişəsinə toxunulub.
Həmçinin demokratik inkişaf, qanunun aliliyinin təmin edilməsi, insan haqlarının qorunması məsələləri ətrafında da fikir mübadiləsi aparılıb.-02D-
Siyasət
-
Rusiya Xarici İşlər Nazirliyinin mətbuat katibi Mariya Zaxarova Bakıdakı "Rus evi"nin ünvanına ittihamları "absurd" adlandırıb. Fevralın 6-da brifinqdə o deyib ki, Moskva “feykləri” dərc edən KİV-lərin təkzib verməsini gözləyir.
-
Fevralın 6-da hakim Faiq Qəniyevin sədrliyilə Bakı Apellyasiya Məhkəməsi Azərbaycan Xalq Cəbhəsi Partiyasının sədri Əli Kərimlinin onu Cinayət Məcəlləsinin 147.1-ci maddəsilə (böhtan) təqsirli bilərək 1500 manat cərimə edən Nəsimi Rayon Məhkəməsinin hökmündən şikayətini təmin etməyib.
-
Fevralın 6-da Azərbaycan və Avropa İttifaqı arasında readmissiya haqqında saziş çərçivəsində Almaniyadan 45 nəfər Azərbaycan vətəndaşı readmissiya edilib. Bu barədə fevralın 7-də Azərbaycan Dövlət Miqrasiya Xidməti bildirib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
Rəy yaz