Prezident İlham Əliyev ATƏT-in Minsk Qrupunun həmsədrlərini qəbul edib
Martın 11-də prezident İlham Əliyev ATƏT-in Minsk Qrupunun həmsədrləri Stefan Viskonti, İqor Popov, Riçard Hoqland və ATƏT-in fəaliyyətdə olan sədrinin xüsusi nümayəndəsi Anjey Kaspşiki qəbul edib.
Görüşün təfərrüatları açıqlanmır. Hazırda vasitəçilər tərəflərin danışıqlar prosesini bərpa etməsi üçün səy göstərirlər. Belə ki, ötən ilin aprel döyüşlərindən sonra danışıqlar faktiki olaraq dayandırılıb.
O vaxtdan cəbhənin təmas xəttində müxtəlif yerlərdə və iki ölkə sərhəddində bir necə dəfə döyuş baş verib. Nəticədə hər iki tərəfdən həlak olanlar və yaralananlar olub.
Ötən müddətdə beynəlxalq vasitəçilər ümumi mövqenin hazırlanması üçün Ermənistan və Azərbaycan XİN rəhbərləri ilə bir neçə ikitərəfli görüş keçiriblər. Ancaq Bakı və Yerevanın aqressiv bəyanatları ilə əlaqdar ortaq məxrəcə gəlmək mümkün olmayıb.
Moskva xüsusi fəallıq göstərir. Belə ki, Rusiya XİN rəhbəri Sergey Lavrov son həftələr Ermənistan və Azərbaycan XİN rəhbərləri ilə ayrıca görüşlər keçirib.
O, danışıqların yekunlarına əsasən etiraf edib ki, 2-3 əsas məsələ qalıb ki, tərəflər onlarla bağlı ümumi fikrə gələ bilmir. Odur ki, Qarabağ münaqişəsinin tezliklə nizamlanmasından danışmağa dəyməz.02D-
-
- İqtisadiyyat
- 11 Mart 2017 10:37
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz