![Rüfət Səfərovun anası aclıq aksiyasına başladı və xalqa müraciət etdi](https://turan.az/resized/750/500/resize/media/2017/main/031100185357.jpg)
- Söz istəyirəm
- 11 Mart 2017, 11:41
- 43
Rüfət Səfərovun anası aclıq aksiyasına başladı və xalqa müraciət etdi
Siyasi məhbus, keçmiş müstəntiq Rüfət Səfərovun anası Tahirə Səfərova oğluna təzyiqlərə etiraz olaraq aclıq aksiyasına başlayıb. T.Səfərova bununla bağlı ictimaiyyətə müraciət edib. Müraciətdə deyilir:
Əziz bacı və qardaşlarım! Bu gün mən böyük əziyyətlə böyüdüb boya-başa çatdırdığım oğlum Rüfətlə cəzaçəkmə müəssisəsində görüşdüm. Rüfətin hansı vəziyyətdə olduğunu sözlə ifadə edə bilmirəm. Ürəyimin başına köz düşdü. İçəridən qovruldum. Onun üzünə baxa bilmirdim,rəngi qapqara qaralmışdı. Qaranlıq kars onu elə üzmüşdü ki, danışmağa sanki heyi yox idi. Dedim oğlum nədən belə narahatsan? Anam dedi mənə bu 3 gündə çox işgəncələr verdilər. Rüfətə 3 gün ərzində sudan başqa heç nə verməyiblər. Səhər,günorta,axşam bir stəkan suyun ümidinə qalıb. Döşəmə beton, karsın içərisi soyuq. Gəl indi buna döz. Yanır ana ürəyim. Bunların bir vicdanı, ürəklərində azca da olsa bir rəhmi varmı ? Səhər saat 09-00 da yatacağını götürüb, bir də 18-00 da verirmişlər. Bu müddət ərzində Rüfət beton döşəmədə ayaq üstə titrəyə-titrəyə qalırmış. Elə yemək gətirib veriblər ki, onu iraq olsun heyvana da verməzlər. Oğlum bu nimdaş yeməkdən imtina edib 4 gün ac yalavac qalıb. Karsa salınmamışdan əvvəl həbsxanada yazdığı gündəliyi də əlindən alınıb. Mən insana belə amansız münasibətin olduğunu təsəvvürümə gətirə bilmirəm. Qisasçılıq və intiqam bunların gözünü elə pərdələyib ki, ən iyrənc qeyri-insani niyyətlərindən əl çəkməyi yaxına belə buraxmırlar. Amma yuxarıda Allah var,bunların hamsını görür. Allahın cəzasından bu zülmkarlar qurtula bilməyəcəklər. Bunu unutmasınlar. Rüfəti elə görcək əzablarımın üstünə daha ağır əzablar yükləndi. Axı onun günahı nədir? Azad sözünü deyib, haqsızlığa ədalətsizliyə qarşı öz üsyan səsini qaldırıb. Başqa heç nə etməyib. Zalimlər buna da dözə bilmirlər.Oğlumu işgəncə altında saxlayıb onu sarsıtmaq istəyirlər. Onlar bunu görə bilməyəcəklər. Gözlərimin yaşını zorla saxlaya bilirdim, göz yaşlarım axar çaylar kimi içimə axırdı. Oğul dərdi çəkən bir ana kimi ürəyim alovlanır, damarlarımda qanım donur. Lakin ağır səhnəni müşahidə etdikcə,Rüfətin solmuş çöhrəsinə baxdıqca ruhumda bir heyranlıq da baş qaldırırdı. Rüfət məni iki əlləri ilə qucaqlayıb qəm-qüssə yemə ana deyə gözlərimin içinə baxdı və bu sözləri söylədi: “Möhkəm olun. Allahın köməkliyi ilə iradəm var və seçdiyim haqq yolundan bir addım belə geri durmayacağam. Bunlar məni düşüncələrimdən döndərə bilməzlər. Əqidəm uğrunda sonuna qədər yürüməyə qərarlıyam!!! ”
Əhsən sənə övladım. Südümü halal edirəm. Oğluma qarşı aparılan bu işgəncələrdən geri durmaqlarını tələb edirəm. Allahsızlıq etməyin, sizlərin də övladları var. Azərbaycan analarına, bacı və qardaşlarıma səslənirəm. Səsimə səs verin. Məni tənha qoymayın. Böyük ümidlərim var ki, sizlər bu dəstəyi əsirgəyən deyilsiniz. Ölkənin fədakar qələm sahiblərinə, tanınmış hüquq müdaiəçilərinə səslənirəm. Köməyinizə indiki dəqiqələridə ehtiyac duyuram. Nəhayət,bütün Azərbaycan xalqına müraciət edirəm. Güvəncəm bir ana olaraq göydə Böyük Tanrıya, yerdə uca xalqım sizədir.
Dərin hörmətlə dərd içərisində fəryad çəkən Tahirə ana.
10.03.2017-ci il.
***
Siyasi məhbus, keçmiş müstəntiq Rüfət Səfərovun anası Tahirə Səfərova aclıq aksiyasına başlayıb. Bu barədə Səfərovun ailəsi adından məlumat yayılıb.
Məlumatda deyilir ki, Rüfət Səfərov martın 10-da 9 saylı cəzaçəkmə müəssisəsində ailəsi ilə görüşüb: “Rüfətin durumu çox ağır idi. Bu da görünür karsa salınan zaman ona göstərilən işgəncə faktları ilə bağlıdır. Rüfətin anası Tahirə xanım oğlu Rüfətə qarşı nümayiş etdirilən aşkar təqib və təzyiqlərə etiraz edərək artıq aclıq aksiyasına başlamışdır. Yaxın saatlarda ananın Azərbaycan xalqına, insan hüquq və azadlıqları ilə məşğul olan beynəlxalq təşkilatlara və ölkənin hüquq müdafiəçilərinə müraciəti olacaqdır”, – deyə məlumatda bildirilir.
-
- Siyasət
- 11 Mart 2017 11:14
-
- İqtisadiyyat
- 11 Mart 2017 11:52
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz