Prezident İlham Əliyev: «Azərbaycan ABŞ ilə tərəfdaşlığın möhkəmləndirilməsində maraqlıdır»

Azərbaycan ABŞ ilə siyasi, iqtisadi və energetika sahələrində gələcək əməkdaşlığın möhkəmləndirilməsində maraqlıdır. Bu barədə prezident İlham Əliyev Vaşinqtonda ABŞ-ın vitse-prezidenti Co Baydenlə görüşündə bildirib.

Azərbaycan prezidentinin saytında yerləşdirilən məlumatda deyilir ki, Bayden qeyd edib ki, Vaşinqton prezident İlham Əliyevlə görüşə böyük önəm verir. Bu görüş Azərbaycan və ABŞ arasında əməkdaşlığın genişləndirilməsinə, əlaqələrin yeni səviyyəyə yüksəldilməsinə xidmət edəcək. O deyib ki, ABŞ Azərbaycanın ərazi bütövlüyünü və suverenliyini qətiyyətlə dəstəkləyir və bu, Birləşmiş Ştatlar üçün böyün önəm kəsb edir.

ABŞ-ın vitse-prezidenti bütün sahələrdə, o cümlədən iqtisadi sahədə ikitərəfli əlaqələrin genişləndirilməsi üçün yaxşı imkanların olduğunu qeyd edib. O deyib ki, iki dövlət təhlükəsizlik, sülhyaratma əməliyyatlarında yaxşı əməkdaşlıq edir. Bayden Azərbaycanın Əfqanıstanda beynəlxalq antiterror koalisiyasında fəal iştirakını və töhfəsini yüksək qiymətləndirib.

O, ABŞ və Azərbaycan arasında müdafiə sahəsində əməkdaşlıq imkanlarının müəyyən edilməsinə yönələn addımların önəmini qeyd edib. Vitse-prezident          deyib   ki, ABŞ «Cənub» qaz dəhlizi layihəsinin reallaşması ilə bağlı Azərbaycanın fəaliyyətini tam dəstəkləyir və bu sahədə zəruri addımlar atacaq.

Prezident İlham |Əliyev diqqətə çatdırıb ki, Azərbaycanda  «bütün sahələrdə islahatlar aparılır, ifadə, mətbuat, toplaşma, İnternet azadlığı təmin edilib». Dövlət başçısı Dağlıq Qarabağ münaqişəsilə bağlı Azərbaycanın mövqeyi barədə ətraflı məlumat verib, münaqişənin nizamlanması məsələsində  qətiyyətli mövqeyinə görə ABŞ-a təşəkkürünü bildirib.

Dövlət başçısı qeyd edib ki, həmsədr ölkə olan ABŞ -ın prezidenti kimi Barak Obamanın mövcud status-kvo-nun mövqeyinin yolverilməzliyi barədə mövqeyi böyük əhəmiyyət daşıyır. O deyib ki, münaqişənin danışıqlar yolu ilə dinc nizamlanmasında ABŞ-ın rolu  mühüm əhəmiyyət kəsb edir. Dövlət başçısı qeyd edib ki, Azərbaycan ABŞ ilə siyasi, iqtisadi və energetika sahələrində əməkdaşlıın möhkəmləndirilməsində maraqlıdır.

Söhbət zamanı tərəflər iki ölkə arasında möhkəm və uzunmüddətli əməkdaşlıqda maraqlı olduqlarını vurğulayıblar.

Görüşdə ABŞ dövlət katibi Con Kerri də iştirak edib.—06D--