![Prezident İlham Əliyev: �Azərbaycan ilə Səudiyyə Ərəbistanı arasında siyasi əlaqələr yüksək səviyyədədir�](https://turan.az/resized/750/500/resize/media/2018/main/110400014506.jpg)
Prezident İlham Əliyev: �Azərbaycan ilə Səudiyyə Ərəbistanı arasında siyasi əlaqələr yüksək səviyyədədir�
Bakı/04.11.18/Turan: Azərbaycanla Səudiyyə Ərəbistanı arasında yüksək siyasi əlaqələr mövcuddur. Bakı və Ər-Riyad müxtəlif sahələrdə uğurla əməkdaşlıq edirlər və beynəlxalq təşkilatıar çərçivəsində bir-birini dəstəkləyirlər. Bunu prezident İlham Əliyev iyunun 4-də Səudiyyə Ərəbistanının daxili işlər naziri şahzadə Əbdüləziz bin Səud bin Nayif Al Səud ilə görüşündə bildirib.
Ermənistan-Azərbaycan Dağlıq Qarabağ münaqişəsi ilə bağlı Səudiyyə Ərəbistanının ədalətli mövqeyi Azərbaycanda çox böyük minnətdarlıq hissi ilə qarşılanır, dövlət başçısının saytı İ.Əliyevin sözlərindən sitat gətirib.
Prezident qeyd edib ki, Azərbaycan xalqı yaxşı bilir ki, Səudiyyə Ərəbistanı bu münaqişə və işğala görə Ermənistanla heç bir əlaqə yaratmayıb və bu, Bakı və Ər-Riyad arasında dostluğun, qardaşlığın bariz nümunəsidir.
İ.Əliyev əmin olduğunu bildirib ki, qarşıdakı illərdə sərmayə qoyuluşu və ticarət dövriyyəsinin artırılması ilə əlaqədar daha geniş tədbirlər həyata keçiriləcək.
Dövlət başçısı Səudiyyə Ərəbistanından Azərbaycana gələn turistlərin sayının dəfələrlə artdığını qeyd edib. Təhlükəsizlik sahəsində də ikitərəfli əməkdaşlıq yaxşı səviyyədədir. İ.Əliyev əmin olduğunu bildirib ki, indiki səfər iki ölkə DİN-ləri arasında əlaqələrin inkişafına öz töhfəsini verəcək.
Öz növbəsində Səudiyyə Ərəbistanı DİN rəhbəri qeyd edib ki, Azərbaycan Səudiyyə Ərəbistanı üçün qardaş dövlət və strateji tərəfdaşdır. Əbdüləziz bin Səud bin Nayif Al Səud bu ilin fevralında imzalanmış iki ölkə XİN-ləri arasında təhlükəsizlik sahəsində əməkdaşlıq haqqında sazişin əhəmiyyətini qeyd edib.
O, Səudiyyə Ərəbistanının kralı Salman bin Əbdüləziz Əl Səudun və krallığın vəliəhdi Məhəmməd bin Salman bin Əbdüləziz Əl Səudun salamlarını dövlət başçısına çatdırıb.
Azərbaycan prezidenti də onun salamlarını Səudiyyə Ərəbistanının kralına və vəliəhdinə çatdırmağı xahiş edib.
Əbdüləziz bin Səud bin Nayif Al Səud Azərbaycanın XİN rəhbəri Ramil Usubovla da görüşüb. Görüş zamanı təhlükəsizlik sahəsində vəziyyət, əməkdaşlığın prioritet istiqamətləri müzakirə edilib, qarşılıqlı maraq doğuran digər məsələlərlə bağlı fikir mübadiləsi aparılıb, AzərTAC bildirir.-06d--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz