Prezident İlham Əliyev: “Cənubi Qafqazda sabitlik Azərbaycan və Rusiyadan asılıdır”
Prezident İlham Əliyev: “Cənubi Qafqazda sabitlik Azərbaycan və Rusiyadan asılıdır”
Cənubi Qafqazda sabitlik əsasən Rusiya və Azərbaycanın qarşılıqlı fəaliyyətindən asılıdır. Bu barədə Azərbaycan prezidenti İlham Əliyev Rusiya prezidenti Vladimir Putinlə danışıqlarının yekunlarına dair brifinqdə bildirib.
Əliyev qeyd edib ki, "ötən ilin sentyabrından sonra bölgədə tamamilə yeni vəziyyət yaranıb". Azərbaycan öz suverenliyini və ərazi bütövlüyünü tam bərpa edib. Yeni vəziyyət Cənubi Qafqazda möhkəm və uzunmüddətli sülhün bərqərar olması üçün yeni imkanlar açır, Əliyev qeyd edib.
Onun sözlərinə görə, Azərbaycan və Rusiya müttəfiqlər, dostlar, yaxın tərəfdaşlar və qonşular kimi fəaliyyət göstərirlər. "Bu gün qəbul edilmiş sənədlər, o cümlədən, ilk növbədə, prezidentlərin birgə bəyannaməsi münasibətlərimizin dost və müttəfiqlik xarakterini bir daha təsdiqləyir", - Əliyev deyib.
"Biz münasibətlərimiz üçün son dərəcə vacib olan "Şimal-Cənub" layihəsinin həyata keçirilməsini ətraflı müzakirə etdik. Azərbaycan ərazisində "Şimal-Cənub" dəhlizinin dəmir yolu və avtomobil seqmentləri tam reallaşdırılıb, Əliyev deyib.
"Biz həmçinin hər iki tərəfi narahat edən məsələ, yəni Xəzərdəki ekoloji vəziyyət, onun fəlakətli dayazlığı ilə bağlı fikir mübadiləsi apardıq. Biz mümkün ekoloji fəlakətin qarşısını almaq üçün yolları həm ikitərəfli formatda, həm də beştərəfli formatda birgə təhlil və müəyyən barədə razılığa gəldik", - Əliyev bildirib.
Siyasət
-
Rusiya və Azərbaycanın "Şimal-Cənub" birgə layihəsi iki ölkənin Hind okeanına çıxmasına və bu marşrutlardan qarşılıqlı mənfəət üçün istifadə etməsinə imkan verəcək. Bu barədə Rusiya prezidenti Vladimir Putin brifinq zamanı Azərbaycana səfərinə yekun vurarkən bildirib.
-
Tərəflər dövlət suverenliyinə, müstəqilliyə, ərazi bütövlüyünə, bərabər hüquqluluğa və bir-birinin daxili işlərinə qarışmamağa qarşılıqlı hörmət prinsipləri əsasında dövlətlərarası əlaqələri möhkəmləndirməyə davam etmək barədə razılığa gəliblər. Bu barədə avqustun 19-da Vladimir Putin və İlham Əliyevin Bakı danışıqlarının yekunlarına dair birgə bəyanatda deyilir.
-
Avqustun 19-da Rusiya və Azərbaycan arasında altı sənəd- üç saziş və üç memorandum, həmçinin birgə bəyanat imzalanıb. İmzalanma mərasimi Azərbaycan prezidentinin Zaqulbadakı iqamətgahında keçirilib.
-
Həbsdə olan iqtisadçı Fazil Qasımov 67 gündür ki, qanunsuz həbsinə etiraz olaraq aclıq edir. Bu barədə avqustun 19-da vəkil Rövşanə Rəhimli Fazil Qasımovla görüşdən sonra bildirib.
Rəy yaz