Prezident İlham Əliyev diffamasiya haqqında qanunvericiliyə mürtəce düzəlişləri təsdiqləyib
Çərşənbə axşamı prezident İlham Əliyev mayın 14-də ölkə Cİnayət Məcəlləsinə etdiyi düzəlişlər barədə qanun qəbul edib. Bu düzəlişlər İnternetdə böhtana və təhqirə cinayət cəzasını nəzərdə tutur.
147-ci maddənin yeni redaksiyasında böhtan aşağıdakı anlamda verilir – şəxsin açıq çıxışlarda, nümayiş etdirilən əsərlərdə, KİV və ya İnternetdə informasiya resurslarında kütləvi nümayiş zamanı şərəf və ləyaqətini, onun reputasiyasını nüfuzdan salan yalan məlumatların qəsdən yayılması.
Cərimə əvvəlki kimi qalır – 100 manatdan 500 manatadək, 240 saatadək ictimai iş və ya 1 ilədək icbari iş və ya 6 ay azadlıqdan məhrumetmə. Ağır cinayətlər törədilməklə böhtan 3 ilədək azadlıqdan məhrumetmə ilə cəzalandırılır.
148-ci maddəyə düzəlişə görə, başqa şəxsin açıq çıxışlarda, nümayiş etdirilən əsərlərdə, KİV və ya İnternetdə informasiya resurslarında kütləvi nümayiş zamanı ədəbsiz formada şərəf və ləyaqətinin alçaldılması təhqir sayılır.
Sanksiya əvvəlkitək qalır – 300 manatdan 1000 manatadək cərimə, 240 saatadək ictimai iş, 1 ilədək icbari iş və ya 6 ay azadlıqdan məhrumetmə.
Qeyd edək ki, bu düzəlişlər yerli və beynəlxalq demokratik ictimaiyyətin etirazına səbəb olub. Belə ki, bu, İnternetdə ifadə azadlığına təhlükə törədir. Azərbaycan və xarici QHT-lər prezidenti mürtəce düzəlişləri imzalamamağa çağırıb. ATƏT-in KİV azadlığı üzrə xüsusi nümayəndəsi Dunya Miyatoviç və Avropa Şurası insan hüquqları üzrə komissar Nils Muyjnieks də belə çağırışla dövlət başçısına müraciət edib. –06D--
-
- Siyasət
- 5 İyun 2013 00:04
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz