Prezident İlham Əliyev enerji layihələrini dəstəklədiyinə görə prezident Trampa minnətdarlığını bildirib
Bakı/26.02.20/Turan: Çərşənbə günü prezident İlham Əliyev ABŞ dövlət katibinin enerji diplomatiyası üzrə müşaviri Kurt Donellini qəbul edib.
“Cənub” qaz dəhlizi (CQD) layihəsinin uğurla həyata keçirildiyini diqqətə çatdıran İ.Əliyev qeyd edib ki, TANAP boru kəməri (CQD-nin tərkib hissəsi) artıq Avropaya çatıb. Bu, Xəzərdəki yataqlardan Avropaya daha çox qaz ixracına imkan verəcək.
“Bilirəm ki, prezident Tramp şəxsən prosesdə iştirak edir. Onun şəxsi iştirakı əvvəllər üzləşdiyimiz müəyyən çətinliklərin öhdəsindən gəlməkdə çox yardımçı oldu. Hazırda başqa maneə görmürük. Əminəm ki, səmərəli əməkdaşlığımız gələcəkdə davam edəcək”, - İ.Əliyev bildirib.
Öz növbəsində K.Donelli CQD Məşvərət Şurası çərçivəsində Bakıda keçiriləcək nazirlərin altıncı toplantısının əhəmiyyətinə toxunub və bu formatda aparılan müzakirələrin önəmini qeyd edib.
Görüşdə Azərbaycanda alternativ enerji mənbələrinin inkişafına dair fikir mübadiləsi aparılıb.-16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz