Prezident İlham Əliyev: “Ermənistan Birinci Qarabağ Müharibəsi zamanı itkin düşən 3900 nəfərin barəsində məlumat vermir”

Bakı/13.10.22/Turan: Ermənistan artıq iki ildir ki, Birinci Qarabağ Müharibəsi dövründə itkin düşmüş 3900 nəfərlə bağlı Azərbaycanın sorğularına məhəl qoymur. Bunu oktyabrın 13-də Astanada Azərbaycan prezidenti İlham Əliyev Asiyada Qarşılıqlı Fəaliyyət və Etimad Tədbirləri üzrə VI sammitdə çıxışı zamanı bildirib.

"Ermənistan sistematik olaraq Azərbaycanın mülki şəxslərinə və hərbçilərinə qarşı hərbi cinayətlər törədib. İtkin düşənlərin əksəriyyəti qətlə yetirilib və qardaşlıq məzarlığında dəfn edilib", -Əliyev deyib.

Müharibədən qalan başqa bir miras minalar olub. Uzun illər davam edən işğal dövründə Ermənistan Azərbaycan ərazilərində bir milyondan çox piyada əleyhinə mina basdırıb. Bütün əraziləri minalardan təmizləmək üçün təxminən 30 il və 25 milyard dollar lazımdır, - Əliyev deyib.

Sentyabrın ortalarında sərhəddə vəziyyətin gərginləşməsinə toxunan Əliyev deyib ki, Ermənistan sərhəddə təxribat törətməkdə davam edir. “Azərbaycan ordusu Ermənistanın hərbi təxribatının qarşısını almaq üçün qətiyyətli əks-terror əməliyyatına başlamağa məcbur oldu”, - o deyib. 02D