Açiq mənbələrdən foto.
Prezident İlham Əliyev İsveçrə və Latviya səfirlərinin etimadnamələrini qəbul edib
Bakı/24.10.23/Turan: Bu gün Azərbaycan prezidenti İlham Əliyev İsveçrənin yeni təyin olunmuş fövqəladə və səlahiyyətli səfiri Tomas Ştelin etimadnaməsini qəbul edib, dövlət başçısının saytı bildirib.
Ticarət, iqtisadi, enerji sahələrində əməkdaşlığın səviyyəsindən məmnunluğunu ifadə edən Əliyev İsveçrə şirkətlərinin Azərbaycandakı "uğurlu fəaliyyətinə" toxunub. O, Azərbaycanın işğaldan azad edilmiş ərazilərində yenidənqurma layihələri üzərində fəal işi qeyd edib və bu istiqamətdə yaxşı qarşılıqlı fəaliyyətin olduğunu bildirib.
Bununla yanaşı, Əliyev SOCAR-ın İsveçrədəki fəaliyyətini, İsveçrə şirkətlərinin Azərbaycan iqtisadiyyatına investisiya qoymasını biznes sahəsində ikitərəfli münasibətlərin yaxşı göstəricisi kimi dəyərləndirib.
İlk növbədə Qarabağa səfərinə toxunan Ştel orada gedən bərpa işlərilə tanış olduğunu bildirib.
O qeyd edib ki, İsveçrə şirkətlərini buraya dəvət etmək niyyətindədir.
Onun sözlərinə görə, iqtisadi sahədə əməkdaşlığın genişləndirilməsi üçün yaxşı potensial var.
Səfir Azərbaycanla əməkdaşlıq proqramının artıq 20 ilə yaxındır ki, həyata keçirildiyini də vurğulayıb.
O, İsveçrə şirkətlərinin makroiqtisadi sahədə, eləcə də Azərbaycanda maliyyə və özəl sektorların inkişafında fəaliyyətini məmnunluqla qeyd edib.
Oktyabrın 24-də Azərbaycan prezidenti Latviya Respublikasının yeni təyin olunmuş fövqəladə və səlahiyyətli səfiri Edqars Skuyanın etimadnaməsini qəbul edib.
Diplomat ölkəsinə rəsmi səfərlə bağlı Latviya prezidentinin dəvətini dövlət başçısına çatdırıb.
Prezident İlham Əliyev dəvəti qəbul edib.
Görüşdə Azərbaycan və Latviyanın təkcə ikitərəfli əsasda deyil, həm də beynəlxalq təşkilatlar çərçivəsində uğurlu əməkdaşlığı qeyd olunub.
Latviyanın Bakıdakı səfirliyinin NATO-nun Azərbaycandakı koordinatoru funksiyasını yerinə yetirməsi, Azərbaycanla Şimali Atlantika Alyansı arasında qarşılıqlı fəaliyyətin inkişafına töhfə verməsi məmnunluqla qeyd olunub .
Bundan əlavə, üzv dövlət kimi Latviyanın Azərbaycanın həm NATO, həm də Avropa İttifaqı ilə münasibətlərinin inkişafına göstərdiyi dəstək yüksək qiymətləndirilib.- 05B-
-
- Cəmiyyət
- 24 Oktyabr 2023 14:19
-
- İqtisadiyyat
- 24 Oktyabr 2023 15:24
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz