![Prezident İlham Əliyev İtaliyadadır](https://turan.az/resized/media/2015/main/070900122644-750-500-resize.webp)
İyulun 8-də axşam AzərTac Dövlət Agentliyi bildirib ki, prezident İlham Əliyev və xanımı Mehriban Əliyeva İtaliyaya işgüzar səfərə gediblər. Onlar “Milan Expo 2015” beynəlxalq sərgisində Azərbaycan pavilyonunun açılışında iştirak edəcəklər.
“Milan Expo 2015” beynəlxalq sərgisi bu il mayın 1-də açılıb və oktyabrın 31-də başa çatacaq. Sərginin mövzusu: “Planeti saxlamaq. Həyat üçün enerji”dir. Sərgiyə 140 ölkə təqdim edilib. Onlardan yalnız 54-nün, o cümlədən Azərbaycanın milli pavilyonu var.
Sərgidə ilk dəfə təmsil olunan Azərbaycan pavilyonunun təşkili ilə Heydər Əliyev Fondu da məşğul olub. 1800 kv.m. sahədə dördmərtəbəli pavilyon bir ildən az müddətə tikilib və “Azərbaycan biomüxtəlifliyin xəzinəsidir” ideyasını təqdim edir.
Sərgi Azərbaycanın biomüxtəlifliyini, onun mədəni, tarixi irsini və enerji potensialını nümayiş etdirir.
Hər mərtəbənin özünün tematk təyinatı var: “Səslərin simfoniyası”, “Rənglərin simfoniyası”, Zövqlərin simfoniyası”. Milli mətbəxdən ibarət restoranda müxtəlif təqdimatlar keçirilir.
Pavilyon Azərbaycan tərəfinə 15 mln. avroya başa gəlib. İtaliyanın öz pavilyonuna 92 mln. avro xərclədiyini nəzərə alsaq, bu, elə də çox deyil.
Sərgiyə bilet 39 avrodur.
Sərgi başa çatdıqdan sonra pavilyon Bakıya gətiriləcək.
Ola bilsin ki, sərgiyə baş çəkdikdən sonra prezident və xanımı oradan İtaliyanın şimalında Tirol muxtar diyarına getsinlər. Beş ildən çoxdur ki, bu yüksək dağlıq region İ.Əliyevi cəlb edir. 2011-ci ildə o, ilk dəfə Qarabağ münaqişəsinin nizamlanması ilə bağlı Tirol modelindən danışıb. Əsasən almandilli əhalinin yaşadığı diyar İtaliya və Avstriya arasında nifaq yaradırdı.
Cənubi Tirol İtaliya çərçivəsində yüksək status aldıqdan sonra münaqişə yoluna qoyulub.
Lakin Tirol təşəbbüsünə Ermənistan prezidenti Serj Sarkisyan mane olur. O, öz müqəddəratını təyinetmə hüququnu nəzərdə tutan Kosovo modelinə üstünlük verir.
Tərəflər kompromisə gələ bilmir, çünki ATƏT-in Qarabağ münaqişəsinin nizamlanması üzrə Madrid prinsiplərində ziddiyyət var: ərazi bütövlüyünün mütləq təminatı və öz müqəddəratını təyinetmə hüququ.
Bu yaxınlarda italiyalılar Donbas üçün Tirol modelini təklif ediblər ki, bu da sözügedən ideyanın prezident İ.Əliyev üçün də gündəmdən çıxmadığından xəbər verir.—0—
Rəy yaz