Prezident İlham Əliyev İtaliyanın xarici işlər nazirinin müavinini qəbul edib

Bakı/03.04.23/Turan: Azərbaycan prezidenti İlham Əliyev Bakıda səfərdə olan İtaliyanın xarici işlər və beynəlxalq əməkdaşlıq nazirinin müavini Edmondo Çiriellini qəbul edib.

Əliyev qeyd edib ki, iki ölkə arasında münasibətlər strateji tərəfdaşlıq müstəvisində inkişaf edir və əməkdaşlığın böyük hissəsi energetika sahəsilə bağlıdır.

O deyib ki, Avropanın enerji təhlükəsizliyi istiqamətində atılan addımlar Azərbaycan-İtaliya əməkdaşlığını daha da gücləndirir.

Dövlət başçısı İtaliyanın Azərbaycanın ticarət dövriyyəsində İtaliyanın birinci yeri tutduğunu xatırladaraq deyib ki, ticarətin  əsas hissəsini Azərbaycandan neft-qaz ixracı təşkil edir. O bu baxımdan əməkdaşlığın strukturunun genişləndirilməslə bağlı əlavə addımların atılmasının zəruriliyini qeyd edib.

Öz növbəsində Çirielli  qeyd edib ki, Azərbaycan "İtaliya üçün çox vacib bir ölkədir".

Onun fikrincə, Azərbaycan "Cənubi Qafqazda sabitlik baxımından strateji əhəmiyyətə malikdir".

O deyib ki,  Azərbaycan regionda müstəqil və suveren siyasət yürüdür. Çirielli bildirib ki, siyasi əlaqələrlə yanaşı, iki ölkə arasında iqtisadi sahədə əməkdaşlıq da xüsusi əhəmiyyət daşıyır var. 06B