president.az
Bakı/03.04.23/Turan: Bu gün Azərbaycan prezidenti İlham Əliyev Türkiyənin "Baykar" şirkətinin texniki direktoru Selçuk Bayraktarı qəbul edib, dövlət başçısının saytı bildirib.
Görüş zamanı Əliyev qeyd edib ki, son illər Türkiyənin müdafiə sənayesi böyük uğurlar qazanıb. O bununla əlaqədar ölkənin hərbi-sənaye kompleksində "Baykar" şirkətinin aparıcı rolunu vurğulayıb.
Əliyev 44 günlük Vətən Müharibəsi zamanı erməni işğalçıların hərbi texnikasının məhv edilməsində "Baykar" şirkətinin məhsullarının mühüm rolunu xüsusilə qeyd edib.
Söhbət zamanı Azərbaycanla Türkiyə arasında dostluq və qardaşlıq münasibətlərinin digər sahələrdə olduğu kimi, hərbi və müdafiə sənayesində də uğurla inkişaf etdiyi vurğulanıb.
Həmçinin əməkdaşlıq perspektivləri barədə fikir mübadiləsi aparılıb. 16D
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz