Prezident İlham Əliyev Pakistanın Birləşmiş Qərargah Rəisləri Komitəsinin sədrini qəbul edib

Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.

Dövlət başçısının saytı bildirib ki, görüş zamanı Əliyev qeyd edib ki, iki  dövlət ərazi bütövlüyü və suverenlik məsələlərində bir-birini həmişə dəstəkləyiblər və bundan sonra da dəstəkləyəcəklər.

İqtisadi əməkdaşlığa toxunan Əliyev deyib ki,  onun Pakistana dövlət səfəri zamanı Azərbaycanın bu ölkəyə 2 milyard ABŞ dolları məbləğində investisiya qoyuluşu imkanları barədə bəyanat verilib.

Müdafiə sahəsində əməkdaşlığa toxunan dövlət başçısı JF-17C təyyarələrinin Azərbaycan Hərbi Hava Qüvvələrinin arsenalına daxil edildiyini məmnunluqla qeyd edib, onların dünya səviyyəsində ən yaxşı təyyarələrdən olduğunu deyib.

Pakistan İslam Respublikasının baş naziri Məhəmməd Şahbaz Şərifin COP29 tədbirində iştirakının və gələn il ölkəmizə dövlət səfərinin Azərbaycanda səbirsizliklə gözlənildiyi diqqətə çatdırılıb.

Öz növbəsində Pakistanın Azərbaycan ilə qardaşlıq əlaqələrinin qarşılıqlı inama, səmimiliyə, əməkdaşlığa, mədəni əsaslara söykəndiyini deyib.

O qeyd edib ki, Kəşmir məsələsində Azərbaycan Pakistanın yanında olduğu kimi, Ermənistan məsələsində də Pakistan Azərbaycanın yanındadır.