Prezident İlham Əliyev Rusiya Dövlət Dumasının beynəlxalq əlaqələr komitəsinin sədrini və RF səfirini qəbul edib

İyunun 3-də prezident İlham Əliyev Rusiya Federasiyası Dövlət Dumasının beynəlxalq əlaqələr komitəsinin sədri, Avropa Şurası Parlament Assambleyasında Rusiya nümayəndə heyətinin rəhbəri Aleksey Puşkovu qəbul edib.

Prezidentin saytının məlumatna görə, görüşdə Azərbaycanla Rusiya arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb, parlamentlərarası əlaqələrin münasibətlərin daha da möhkəmləndirilməsi işinə verdiyi töhfənin əhəmiyyəti qeyd olunub. 

Söhbət zamanı ölkələrimizin beynəlxalq təşkilatlar çərçivəsində, o cümlədən Avropa Şurası Parlament Assambleyasında fəal əməkdaşlıq etdiyi qeyd olunaraq bu qurumda qarşılıqlı dəstəyin verilməsi yüksək qiymətləndirilib.

Bazar günü İ.Əliyev Rusiya Federasiyasının ölkəmizdəki fövqəladə və səlahiyyətli səfiri Vladimir Doroxini qəbul edib.

V.Doroxin dövlət başçısına Rusiyada Heydər Əliyevin 90 illik yubiley münasibətilə xatirə markasının buraxıldığı barədə məlumat verərək markanın nümunələrini prezidentə təqdim edib.

Söhbət zamanı  ölkələrimiz arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb, bu münasibətlərin gələcəkdə də inkişaf etdiriləcəyinə əminlik ifadə olunub.06D--