Prezident İlham Əliyev Şamxani ilə görüşündə Tehrana səfərini təsdiqləyib /YENİLƏNİB/

Bakı/15.07.22/Turan: İranın Azərbaycanla hərtərəfli münasibətləri və əməkdaşlığı inkişaf etdirməsi  üçün heç bir məhdudiyyəti yoxdur. İRNA agentliyinin məlumatına görə, bu barədə cümə günü Bakıda İran Təhlükəsizlik Şurasının katibi Əli Şamxani prezident İlham Əliyevlə görüşündə bildirib.

Mənbənin məlumatına görə, Şamxani İranın "iki ölkə arasında münasibətləri pozmağa çalışanlara qarşı mübarizə aparmaqda"qətiyyətli olduğunu vurğulayıb. O həmçinin deyib ki, İlham Əliyevin Tehrana gələcək səfəri ikitərəfli münasibətlərdə sıçrayış etməyə imkan yaradacaq.

Öz növbəsində Əliyev deyib ki, Tehran-Bakı münasibətləri inamla inkişaf edir. İkinci Qarabağ Müharibəsindən və işğal olunmuş ərazilərin azad edilməsindən sonra tranzit, neft, ticarət və energetika sahələrində əməkdaşlığın möhkəmləndirilməsi üçün yaxşı şərait yaradılıb.

Əliyev İran prezidentinin Azərbaycana səfərə dəvətini təqdim edib, İRNA bildirib.

Öz növbəsində prezident İlham Əliyev Aşqabadda Xəzəryanı ölkələrin VI sammitində İran prezidentilə səmərəli görüşünü xatırladıb. Görüş zamanı ikitərəfli münasibətlərin inkişafına dair geniş fikir mübadiləsi aparılıb.

Görüşdə ikitərəfli münasibətlər, regional məsələlər, həmçinin Azərbaycanla İran arasında nəqliyyat kommunikasiyalarının inkişafı məsələləri müzakirə olunub.02B