![Prezident İlham Əliyev sıfır korrupsiya vəd edir](https://turan.az/resized/media/2016/main/041200152759-750-500-resize.webp)
Prezident İlham Əliyev sıfır korrupsiya vəd edir
Aprelin 12-də prezident İlham Əliyev Azərbaycandakı Amerika Ticarət Palatasının nümayəndə heyətini qəbul edib.
Bu yaxınlarda ABŞ-a olan səfərinə toxunan dövlət başçısı qeyd edib ki, Vaşinqtonda görüşlərdə digər məsələlərlə yanaşı Azərbaycandakı Amerika şirkətlərinin fəaliyyəti müzakirə olunub.
İ.Əliyev deyib ki, neftin qiymətinin kəskin enmsi islahatların sürətləndiriməsini tələb edib: “Azərbaycan ciddi iqtisadi islahatların aparılmasında qətiyyətlidir. Bu, ölkənin neft və qazdan asılılığını azaldacaq, iqtisadiyyatı şaxələndirəcək”, - o vurğulayıb.
İ.Əliyevin sözlərinə görə, idxaldan asılılığın azaldılması, yerli istehsalın genişləndirilməsi və stimullaşdırılması prioritet məsələdir. İxracın təşviqi üçün ciddi tədbirlər görülür.
Sonra dövlət başçısı deyib ki, ixracyönlü iqtisadiyyatın yaradılması üçün daha hansı addımların atılmasının mümkünlüyü ilə bağlı Azərbaycandakı Amerika Ticarət Palatasının təkliflərini eşitmək arzusundadır.
ABŞ-ın Azərbaycandakı səfiri Robert Sekuta, eləcə də “Ernst and Young”, “Societe Generale”, “Holcim”, “Deloitte and Touche” MMC və BP şirkətlərinin nümayəndələri öz təkliflərini irəli sürüblər.
İ.Əliyev səslənən bütün təkliflərin ümumiləşdiriləcəyini bildirib. O həmçinin deyib ki, kiçik və orta sahibkarlığa dəstək artırılacaq.
Sonda o, gömrük fəaliyyətinin yaxşılaşdırılacağını vəd edib və deyib ki, “ASAN xidmət”in fəaliyyəti genişləndiriləcək.
“Bu, şəffaflıq, xidmət, mədəniyyət, sıfır korrupsiya və sıfır bürokratiya deməkdir””, - dövlət başçısı vurğulayıb. 02D-
-
- Siyasət
- 12 Aprel 2016 17:31
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz