![Foreign Ministers Ceyhun Bayramov and Ararat Mirzoyan](https://turan.az/resized/750/500/resize/media/2022/main/071500048287.webp)
Foreign Ministers Ceyhun Bayramov and Ararat Mirzoyan
Prezident İlham Əliyev ümid edir ki, Azərbaycan və Ermənistan xarici işlər nazirlərinin görüşü 10 noyabr 2020-ci il bəyanatının tam reallaşmasına gətirib çıxaracaq
Bakı/15.07.22/ Turan: Baxmayaraq ki, Ermənistanın beynəlxalq hüququn norma və prinsipləri əsasında formalaşmış təkliflərimizi qəbul etməsi müsbət haldır, hələlik konkret addımlar atılmır.
Azərbaycan prezidenti İlham Əliyev ümidvar olduğunu bildirib ki, iyulun 16-da Tbilisidə Azərbaycan və Ermənistan xarici işlər nazirlərinin ilk görüşü müsbət nəticələr verəcək.
“Hesab edirəm ki, bu görüşün yaxşı nəticəsi kimi erməni tərəfinin öz işçi qrupunu formalaşdırması ola bilər”, - o, iyulun 15-də bu ilin altı ayının yekunlarına həsr olunmuş müşavirədə deyib.
Əliyev 10 noyabr 2020-ci il tarixində sülh sazişi imzalandıqdan sonra Ermənistanın Azərbaycan ərazisindən qoşunlarını çıxarmaq barədə öhdəliyini yerinə yetirməməsindən narazılığını bildirib.
“Ancaq əfsuslar olsun ki, mənfi məqamlar daha çoxdur. Onlardan biri Ermənistanın 10 noyabr 2020-ci ildə imzalanmış bəyannamədə təsbit edilən məsələlərdən boyun qaçırmasıdır. 10 noyabr bəyannaməsi faktiki olaraq Ermənistanın kapitulyasiya aktıdır və müharibədə məğlub edilmiş tərəf kimi Ermənistan öz üzərinə öhdəliklər götürüb. Bu öhdəliklər orada açıq-aydın göstərilir. Onlardan biri erməni silahlı qüvvələrinin Qarabağdan çıxarılmasıdır. Bu günə qədər bu məsələ öz həllini tapmayıb. Biz dəfələrlə məsələ qaldırmışdıq, ancaq Ermənistan bunu uzadır. Eyni zamanda, biz Rusiyanın hərbi rəhbərliyi qarşısında bu məsələni qaldırmışdıq və bir neçə ay bundan əvvəl Rusiyanın Müdafiə Nazirliyinin yüksəkvəzifəli şəxsi Azərbaycanda səfərdə olarkən bizim Müdafiə Nazirliyinə söz vermişdi ki, iyun ayına qədər erməni silahlı birləşmələri Qarabağdan çıxarılacaq. Ancaq bu gün artıq iyulun ortasıdır, bu məsələ öz həllini tapmayıb. Ermənistan 10 noyabr Bəyannaməsinə zidd olaraq bu öhdəliyi yerinə yetirmir. Rusiya sülhməramlıları - Rusiya tərəfi də 10 noyabr bəyannaməsini imzalayıb - necə deyərlər, onları buna məcbur etmir. Əlbəttə ki, bu, dözülməz vəziyyətdir. Çünki erməni silahlı birləşmələrinin Azərbaycan ərazisində qalması tamamilə qəbuledilməzdir. Biz qalib ölkəyik, biz öz ərazi bütövlüyümüzü bərpa etmişik. Əgər Ermənistan Azərbaycan ərazisindən öz silahlı birləşmələrini çıxarmaq istəmirsə, onda bizə bunu açıq desin, biz də işimizi bilək. Bizim cavabımız nə olacaq? Onu bəlkə də indi demək yersizdir. Ancaq bu, 10 noyabr bəyannaməsinin kobudcasına pozulması deməkdir”, -prezident deyib. -0-
-
- Siyasət
- 15 İyul 2022 21:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz