![Prezident seçkilərinin nəticələrinin ləğvi tələbilə çoxminlik mitinq keçirilib](https://turan.az/resized/media/2013/main/102700055193-750-500-resize.webp)
Prezident seçkilərinin nəticələrinin ləğvi tələbilə çoxminlik mitinq keçirilib
Bazar günü güclü yağışın olmasına baxmayaraq, Bakının Yasamal rayonundakı “Məhsul” stadionunda 9 oktyabr prezident seçkilərinin nəticələrinin ləğv olunması və yeni seçkilərin təyin edilməsi tələbilə çoxminlik mitinq keçirilib.
Mitinq Demokratik Qüvvələrin Milli Şurası (DQMŞ) tərəfindən təşkil edilib.
DQMŞ-dən prezidentliyə namizəd Cəmil Həsənli tribunaya qalxıb. Onun çıxışında belə fikir səslənib ki, seçkilərdə məhz C.Həsənli qalib olub. Lakin nəticələr saxtalaşdırılıb.
C.Həsənli bildirib ki, hakimiyyət 9 oktyabr seçkilərini saxtalaşdırmaqla bütün dünyada özünü rüsvay edib. Lakin demokratik qüvvələr hakimiyyətin hərəkətlərini ifşa edib, tələsik andiçmə mərasiminin keçirilməsi buna sübutdur.
“Konstitusiya Məhkəməsinin saxtalaşdırılmış qərarı açıqlandıqdan sonra onlar tələsik bu andiçməni keçirməyə məcbur oldular. Hələ dünyanın heç bir yerində yerli və beynəlxalq ictimaiyyətdən gizli andimə mərasimi keçirilməyib”, - o vurğulayıb.
C.Həsənli yeni hökumətə əvvəlki nazirlərin təyinatını isə hakimiyyətin korrupsiyanı və özbaşınalığı davam etdirmək cəhdi adlandırıb.
Sonra C.Həsənli diqqəti siyasi məhbuslar probleminə yönəldib və 20-dən çox adamın – müxalifətçi və gənc fəallar, hüquq müdafiəçiləri, jurnalistləri adbaad sadalayıb.
O həmçinin bildirib ki, saxtalaşdırılmış seçkilərə müsbət rəy verən AŞPA və Avropa Parlamentinin deputatları öz ölkələrində ifşa olunacaqlar. C.Həsənli Azərbaycanda seçkilərin saxtalaşdırılmasında iştirak edənlərin ictimai qınağa çəkilməsinə çağırıb.
“Bu hakimiyyət legitim deyil, o getməlidir və gedəcək”, - C.Həsənli qeyd edib.
C.Həsənlinin və digər natiqlərin çıxışları “İstefa!”, “İlham, get!, “Cəmil bəy, sizinlə fəxr edirik!” və digər şüarlarla qarşılanıb.
Mitinqin qətnaməsində aşağıdakı tələblər irəli sürülüb: siyasi məhbusların azadlığa buraxılması, yerli və beynəlxalq ictimaiyyətin seçkilərlə bağlı rəylərinin nəzərə alınması, “Azadlıq” qəzetinə təzyiqılərə son qoyulması.
Mitinq təşkilatçılarının sözlərinə görə, aksiyada 10 mindən çox adam iştirak edib.
Aksiya insidentsiz keçib. Təşkilatçılar iştirakçıları mitinq başa çatdıqdan sonra stadiondan kənarda şüar səsləndirməməyə çağırıblar və bu çağırışa əməl olunub.--06D--
-
- Siyasət
- 26 Oktyabr 2013 17:29
-
- Foto sessiyalar
- 27 Oktyabr 2013 22:02
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz