Abşeron rayon məhkəməsində qanunsuz silah saxlamaqda ittiham olunan keçmiş iqtisadi əlaqələr naziri Nicat Quliyevin işi üzrə proses başa çatmaq üzrədir.
Martın 11-də prokuror Quliyevin 3 il müddətinə azadlıqdan məhrum edilməsini təklif edib. Hökmün elan edilməsi qeyri-müəyyən müddətə təxirə salınıb.
Quliyev irəli sürülmüş ittihamı təkzib edir. O, ötən il avqustun 8-də Novxanı qəsəbəsində saxlanılıb. İstintaqın məlumatına görə, Quliyevin bağında avtomatlar və əl qumbaraları, şəxsi avtomobilində tapanca tapılıb.
Nicat Quliyev 1993-95-ci illərdə Azərbaycanın xarici iqtisadi əlaqələr naziri olub. 1990-cı illərin sonlarından 2000-ci illərin ortalarına qədər o, keçmiş Acarıstan prezidenti Aslan Abaşidzenin müşaviri olub. Abaşidzenin istefasından sonra Quliyev Azərbaycanda və Türkiyədə bizneslə məşğul olub.
2005-ci ilin oktyabrında Nicat Quliyev digər yüksək vəzifəli şəxslərlə birlikdə dövlət çevrilişi hazırlamaq ittihamı ilə həbs edilib, lakin iki həftə sonra o, azad edilib. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz