Prokurorluğun məlumatına münasibət: kimlərsə Elşad Abdullayevin araşdırmalarından narahatdır
Son dövrlər Elsevər və Elşad Abdullayev barəsində verilən bəyanatlar və qəbul edilən qərarlar onların qardaşları Mahir Abdullayevin oğurlanması ilə bağlı apardığı araşdırma işləri kimləri isə narahat etdiyindən xəbər verir. Görünür kimlərsə bu araşdırmalardan ehtiyat edir. Bu barədə Mahir Abdullayevin Hüquqlarını İctimai Müdafiə Komitəsinin sədri Azad Mursəliyev Baş Prokurorluğun avqustun 26-da yaydığı məlumatı Turan-a şərh edərkən bildirib
Məlumatda deyilir kİ, Beynəlxalq Universitetin nəzdində fəaliyyət göstərmiş Tibb Mərkəzinin vəzifəli şəxsləri tərəfindən vəzifə səlahiyyətlərindən sui-istifadə edilərək donorlardan qanunsuz olaraq böyrəklərinin götürülüb əcnəbi vətəndaşlar olan resipiyentlərə köçürülməsi faktları ilə bağlı Baş Prokurorluğun Ağır Cinayətlərə dair İşlər üzrə İstintaq İdarəsində Cinayət Məcəlləsinin 308.2-ci (vəzifə səlahiyyətlərdən sui-istifadə) maddəsi ilə başlanmış cinayət işinin istintaqı yekunlaşmışdılaraq məhkəməyə göndərib.
Universitetin rektoru Elşad Abdullayev istintaqdan qaçıb xarici dövlətdə gizləndiyi üçün Nəsimi Rayon Məhkəməsinin qərarı ilə barəsində həbs qətimkan tədbiri seçilərək axtarış elan olunmaqla tutulması istiqamətində beynəlxalq axtarış tədbirləri həyata keçirilir.
Azad Mursəliyev bu məlumat yayıldıqdan sonra hazırda Fransada mühacirətdə olan Elşad Abdullayevlə əlaqə saxlayıb. E.Abdillayev prokurorluğun məlumatı ilə bağlı bunları deyib: “Bundan sonra belə məlumatlar və ya bəyanatlar mənim üçün fərq etmir. Mən üzərimə düşən missiyanı yerinə yetirdim. Artıq ölkədə və xaricdə hamı bilir ki, Mahir Abndullayev və onun yaxınlarının başına hansı müsibətlər gətirilib. Eyni zamanda faktiki olaraq ictimaiyyətə Milli Məclisdə, hüquq-mühafizə orqanlarında, digər administrasiyalarda rüşvətin, rüşvətxorluğun tüğyan etməsi ilə bağlı dolğun və konkret faktlarla məlumatlar çatdırdım.
Bir Mahir məsələsi ilə respublikada öz populist çıxışları ilə tanınan onlarla insanın maskaları çırıldı, deşifrə olundu. Odur ki, bunlardan sonra işdən çıxarılmaq da olar, axtarışa verilmək də olar, hətta lazım gələrsə də ölmək də olar”.
A.Mursəliyev hesab edir ki, son günlər hüquq-mühafizə orqanlarının qəbul etdiyi qərarlar Elşad Abdullayevin qələbəsini bir daha sübut edir. “Məgər hüquq-mühafizə orqanları məlum məhkəmə qərardadından (qərardada görə, Elsevər Ağayev Mahir Abdullayevin avtomobillindən maddi sübutların götürülməsinə mane olub-red.) öncə neçə illər ərzində Elsevər Abdullayevin (o, Respublika Prokurorluğunun əməkdaşıdır- red.) “qeyd olunan cinayətlərini bilmirdi? Axı, həmin materialları prokurorluq özü məhkəməyə göndərib. Prokurorluq “ilanı Seyid Əhməd əli ilə” tutmaq istəyir. Yəni, prokurorluq öz məsuliyyətini məhkəmənin üzərinə atır”, o bildirib.
A.Mursəliyevin fikrincə, qərardad Abdullayevlər ailəsinə təzyiq məqsədi ilə qəbul edilib.
A.Mürsəliyev prokurorluğun Elşad Abdullayevin barəsində axtarış elan edilməsi ilə bağlı məlumatına da münasibət bildirib. “Elşad Abdullayevin barəsində axtarış elan edilə bilməz. Bu adamın yaşadığı ölkə, şəhər, ünvan və telefon nömrəsi məlumdur. Elşad Abdullayev yaşadığı ünvandan Azərbaycanın rəhbərlərinə, hüquq-mühafizə orqanlarına müraciətlər göndərir. Elşad Abdullayevin ekstradisiyası ilə bağlı Fransa hökumətinə müraciət edilə bilər. Fransa hökumətinin praktikasında isə belə hallarda ölkəyə sığınmış insanın təhvil verilməsi qeydə alınmayıb”, - o vurğulayıb. -03B-
-
- İqtisadiyyat
- 27 Avqust 2013 14:16
-
- İqtisadiyyat
- 27 Avqust 2013 14:37
Siyasət
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
Rəy yaz