Putin MDB liderləri adından Aktauda həlak olanların ailələrinə başsağlığı verib

Çərşənbə günü Sankt-Peterburqda MDB liderlərinin ilcasında Rusiya prezidenti Vladimir Putin  Aktauda təyyarə qəzasında adamların həlak olması əlaqədar başsağlığı verib.

“Təəssüf ki, bu gün Aktauda baş vermiş faciə haqqında bir neçə kəlmə deməliyəm. Təyyarə qəzaya uğrayıb, ölənlər var, yaralananlar çoxdur. İndicə sizinlə danışdığımız kimi, sizin adınızdan həlak olanların ailələrinə başsağlığı vermək, yaralananların hamısına şəfa diləmək istəyirəm. Onların sağalmasına ümid edirik.

Qazaxıstan prezidenti ilə razılaşdırılaraq Rusiya Fövqəladə Hallar Nazirliyinin təyyarəsi tibbi personal və zəruri əlavə avadanlıqlarla Aktauya uçur. Səhər İlham Heydər oğlu Əliyevlə də danışdım. O, demək olar ki, yerində idi, lakin təyyarə Azərbaycan aviaşirkətinə məxsus olduğuna görə Bakıya qayıtmaq məcburiyyətində qaldı.

Bir daha deyirəm ki, zərərçəkənlərin tezliklə sağalacağına ümid edirik və əminəm ki, hərtərəfli araşdırma aparılacaq. Biz xüsusi aviasiya xidmətlərimizin işini bu faciə ilə bağlı bütün məsələlər üzrə razılaşdıracağıq", - Putin iclası açarkən deyib.