Putin Serjiki hesablaşmağa çağırıb?

Avqustun 10-da Moskvada Rusiya və Ermənistan prezidentlərinin işgüzar görüşü keçiriləcək. Xəbəri Kremlin mətbuat xidməti yayıb.

Serj Sarkisyan prezident Putinin dəvəti ilə Rusiya paytaxtına gedəcək. Yüksək səviyyədə danışıqlar zamanı siyasi, ticari-iqtisadi və humanitar sahələrdə əməkdaşlıq məsələlərinin müzakirə olunması planlaşdırılır.

"Bir sıra aktual beynəlxalq və regional problemlərlə bağlı da fikir mübadiləsi aparılacağı gözlənilir", deyə məlumatda bildirilir.

Qeyd edək ki, avqustun 8-də Putin Bakıda olacaq, İlham Əliyev və İran prezidenti Həsən Ruhani ilə görüşəcək, avqustun 9-da isə Sankt-Peterburqda Türkiyə prezidenti Erdoğanla görüşəcək.

Əliyev və Erdoğanla görüşlərdə Qarabağ probleminə toxunulacağı şübhə doğurmur. Son iki həftədir Yerevanda da bu mövzu diqqət mərkəzində olub, burada 30 döyüşçü polis alayını ələ keçirərək, Sarkisyanın Qarabağı "təhvil vermək" planlarına qarşı vətəndaş müharibəsinə başlamaqla hədələyiblər.

Beləliklə, Putin və Sarkisyanın görüşündə də Qarabağ tənzimlənməsinin diqqət mərkəzində olacağını ehtimal etmək olar. Ələlxüsus, Sarkisyan açıq-aşkar Rusiyanın faktiki olaraq dəstəklədiyi mərhələli həll planının rədd etdiyini bəyan edib. -02В-