“Bütün Azərbaycan xalqına müraciət edərək qarşıdakı prezident seçkilərində yeganə düzgün seçim etməyə, müstəqil Azərbaycanın seçdiyi tolerantlıq və mənəvi dirçəliş yolunun davam etdirilməsinə səs verməklə İlham Əliyevi dəstəkləməyə çağırırıq”, - Qafqaz Xalqları Ali Dini Şurasının avqustun 22-də imzaladığı Qroznı müraciətində deyilir.
Müraciət Azərbaycan dindarlarına və bütün Azərbaycan xalqına ünvanlanıb.
Müraciəti Qafqaz Xalqları Ali Dini Şurasının sədri Allahşükür Paşazadə, onun müavini, Çeçenistan Respublikasının müftisi, Qaraçay-Çərkəz müftisi, Bakının və Azərbaycanın arxiyepiskopu, İnquşetiya müftisi, Kabarda-Balkar müftisi, Şimali Osetiya-Alaniya müftisi, Kalmık müftisi və digərləri imzalayıblar.
Sənəddə deyilir: “Qafqaz bizim ümumi evimizdir. Biz Azərbaycanda ictimai-siyasi və mənəvi həyatın bütün sahələrində bütövlükdə Qafqazın inkişafına müsbət təsir göstərən tərəqqinin davam etməsində maraqlıyıq”.
Azərbaycan qanunvericiliyinə görə, din dövlətdən ayrıdır və dini təşkilatlar siyasətlə məşğul ola bilməz. Sənədi imzalamaqla Qafqaz Müsəlmanları İdarəsinin rəhbəri siyasətlə məşğul olub. Bu müraciət həmçinin Qafqaz Xalqları Ali Dini Şurasının da dini etiqada sadiqliyini şübhə altına alır. -03D-
Siyasət
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
Rəy yaz