![“Qara yanvar” ilə bağlı xarici diplomatların başsağlığı (Video)](https://turan.az/resized/media/2020/main/012000024366-750-500-resize.webp)
“Qara yanvar” ilə bağlı xarici diplomatların başsağlığı (Video)
Bakı/20.01.20/Turan: Azərbaycandakı xarici diplomatik missiyaların rəhbərləri 1990-cı ilin faciəli yanvar hadisələrinin 30-cu ildönümü ilə bağlı Azərbaycan xalqına başsağlığı veriblər.
Böyük Britaniya səfiri Ceyms Şarp Twitter-də mikrobloqunda videomüraciətdə deyib: “30 ildir ki, Azərbaycan xalqı “Qanlı yanvar” qurbanlarını hörmətlə yad edir. Yanvar şəhidləri Azərbaycanın müstəqilliyinin qazanılmasında xüsusi rol oynaybılar. Böyük Britaniya hökuməti və öz adımdan Azərbaycan xalqına və şəhid ailələrinə dərin hüznlə başsağlığı verirəm. Bu faciədə həyatını itirənlərin xatirəsi qəlbimizdə əbədi qalacaq”.
İsrailin Azərbaycandakı səfiri Corc Dik Şəhidlər Xiyabanını ziyarət etdikdən sonra Twitter-də yazıb:
“Bu gün Azərbaycan 1990-cı il 20 yanvar faciəsinin 30 illiyini qeyd edir. 147 günahsız insan öz ölkəsinin müstəqilliyi uğrunda həlak oldu. Bu gün Bakıda Şəhidlər Xiyabanında İsrail adından Azərbaycan prezidentinə və xalqına hörmətimi ifadə etdim”.
Fransa səfiri Zakari Qross da faciənin ildönümü ilə əlaqədar başsağlığı verib.
“30 il öncə sovet repressiyaları ilə yatırılan müstəqillik uğrunda xalq üsyanının qurbanlarının anım mərasimində iştirak etmək mənim üçün şərəf idi. Həlak olanların ailələrinə başsağlığı verirəm”, - o, Twitter-də yazıb.
Avropa İttifaqı missiyası rəhbərinin müavini Denis Daniilidis öz Facebook səhifəsində yazır: “Dostlarımızın matəmi bizim matəmdir. Zorakılığa heç bir bəraət yoxdur. Bu kədərli gündə azərbaycanlı dostlarımızın yanındayıq”.
Bir sıra digər ölkələrin səfirləri də sosial şəbəkələrdə “Qara yanvar”ın 30-cu ildönümü ilə bağlı başsağlığı dərc ediblər və Azərbaycanın müstəqilliyi uğrunda mübarizədə həlak olanların xatirəsinə ehtiramlarını ifadə ediblər. –16B06-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz