Prezident İlham Əliyev.
Bakı/29.04.22/Turan: Azərbaycan Qarabağda yaşayan erməniləri öz vətəndaşları hesab edir, bu barədə cümə günü prezident İlham Əliyev bildirib.
"Ümid edirik ki, onlar da tezliklə başa düşəcəklər ki, Azərbaycan vətəndaşı olaraq bütün hüquq və azadlıqları əldə edəcəklər və onların təhlükəsizlikləri təmin ediləcək", deyə Əliyev "Cənubi Qafqaz: inkişaf və əməkdaşlıq" konfransının iştirakçıları ilə görüşündə bildirib.
O, əlavə edib ki, Qarabağ ermənilərindən "müsbət siqnallar daxil olur və artıq ilk əlaqələr başlayıb".
Qarabağ erməniləri "Azərbaycan dövləti çərçivəsində iqtisadi cəhətdən inkişaf edə, özlərini təhlükəsiz və rahat hiss edə bilər". Amma, ilk növbədə separatçı əhval-ruhiyyədən əl çəkmək və reallıqları qəbul etmək lazımdır".
Əliyev həmçinin bildirib ki, yaxın günlərdə yüz minlərlə azərbaycanlı Kəlbəcərə, Laçına, Şuşaya, Ağdama qayıdacaq və ermənilər onlarla "qonşuluq mühitində" yaşamalıdır.
"Qarabağ erməniləri düşmənçiliyə son qoymalı, separatçıları təcrid etməlidir və bunun faydasını görəcəklər", deyə o qeyd edib. -06D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz