Qarabağa humanitar yardımın çatdırılması üçün Rusiya sülhməramlılarının razılığı lazımdır
Bakı/30.08.23/Turan: Azərbaycan Qızıl Aypara Cəmiyyətinin (AQAC) iki yük maşını ilə 40 ton undan ibarət humanitar yardım Qarabağ iqtisadi zonasına çatdırılıb. Humanitar yükün Qarabağdakı erməni sakinlərə paylanması üçün Rusiya sülhməramlılarının (RSK) icazəsi lazımdır.
AQAC-nin baş katibi Ceyhun Mirzəyev bildirib ki, yük maşınları Ağdam rayonunun ərazisinə gələrək blokpost yaxınlığında, Əsgəran şəhəri istiqamətində, Ağdam-Xankəndi yolunda dayanıb.
Qızıl Aypara nümayəndələri RSK zabitinə yerli əhaliyə kömək məqsədilə Xankəndinə humanitar yük çatdırmaq niyyəti barədə məlumat veriblər. Zabit rəislərinə bildirməyin lazım olduğunu deyib və RSK-nin nə vaxt cavab verəcəyi məlum deyil.
Qarabağın separatçı hissəsində isə Azərbaycan yük avtomobillərinin ermənilərin yaşayış zonasına daxil olacağı təqdirdə partlatmağa çağırışlar edilir.
Sosial şəbəkələrdə 44 rəqəmi ilə başlayan Azərbaycan yük maşınlarının qeydiyyat nömrələri də müzakirə olunur. İkinci Qarabağ müharibəsi aktiv döyüş günlərinin sayına görə "qırx dörd günlük" adını alıb. Azərbaycanın Masallı rayonunda qeydiyyatda olan yük avtomobillərin qeydiyyat nömrələri 44-dən başlayır. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz