Ruben Vardanyan
Bakı/04.10.22/Turan: Qarabağ separatçılarının lideri Araik Arutyunyan bu gün Rusiyalı sahibkar Ruben Vardanyana "dövlət naziri" vəzifəsini tutmağı - yəni Qarabağda ikinci şəxs olmağı təklif etdiyini açıqlayıb.
Bu barədə Arutyunyan öz Facebook səhifəsində yazıb və əlavə edib ki, "ona qərarların qəbulu və həyata keçirilməsi üzrə geniş səlahiyyətlər verməyə hazırdır".
Vardanyan özü sentyabrda Rusiya vətəndaşlığından imtina etdiyini və Qarabağ köçdüyünü bəyan edib. O, bunu həmvətənlərinin İkinci Qarabağ müharibəsindən sonra düşdükləri ağır vəziyyətdən çıxmasına kömək etmək istəyi ilə izah edib.
Bu arada, Ermənistan mənbələri Qarabağda hakimiyyətin ötürülməsi planının hazırlandığını bildiriblər. Belə ki, Araik Arutyunyan Qarabağı tərk edib Rusiyaya köçməlidir. Buna qədər o, faktiki olaraq "Qarabağ parlamentini" əvəz edəcək və onun funksiyalarını öz üzərinə götürəcək ictimai şura yaradıb. Vardanyan bu şuranın da sədri olacaq, Arutyunyan getdikdən sonra isə onun yerini tutuacaq.
Bəzi analitiklərin fikrincə, Vardanyanın (1968) təyinatı Moskvanın Qarabağda münaqişənin həllini tapmaq məqsədi güdən layihəsidir. Milyarder Vardanyan Kremlin etibarlı şəxsidir və dəfələrlə Kremlin qanunsuz gəlirlərini yumaqda ittiham olunub. Bu səbəbdən o, ABŞ və Avropa İttifaqının sanksiyalar siyahısına salınıb.
Forbes Vardanyanın sərvətini 950 milyon dollar olaraq qiymətləndirib. O, "Troyka Dialoq" investisiya şirkətinin sahibi idi. 2011-ci ildə bu şirkəti 1 milyard dollara Sberbanka satıb. O, həmçinin Avtovaz (20,5%) və KamAz (27,3%) şirkətlərinin səhmlərinə malik idi, sonradan onları da yüksək qiymətə satıb.
4 mart 2019-cu il tarixində Korrupsiya və Mütəşəkkil Cinayətkarlığın Araşdırılması Layihəsinin (OCCRP) jurnalistləri "Troyka Landromatı" araşdırmasını dərc ediblər, burada "Troyka Dialoq"un vasitəsi ilə 4,6 milyard dollar vəsaitin 76 ofşor şirkətdən ibarət şəbəkəyə köçürülməsi deyilir.
Son illər Vardanyan fərdi investor kimi işləməyə davam edirdi.
O, Qarabağa getməzdən əvvəl öz biznesini "ailə fonduna" keçirdiyini bildirib. Vardanyanın böyük oğlu David Qarabağda 2016-cı il aprel müharibəsinin iştirakçısıdır. 02B
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacızadə X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz