![Николай Патрушев](https://turan.az/resized/media/2023/main/110800069113-750-500-resize.webp)
Николай Патрушев
Qərb Azərbaycan və Ermənistan arasında nizamlanmaya mane olur - Patruşev
Bakı/08.11.23/Turan: Qərb ölkələri dünyada öz nüfuzlarını itirirlər və onları qane etməyən ölkələrdə böhranlar çıxarmağa çalışırlar. Bu barədə çərşənbə günü RF TŞ-nin katibi Nikolay Patruşev Moskvada MDB-dən olan həmkarları ilə görüşündə bildirib.
Qərb ölkələri sürətlə hərbi potensiallarını artırır, məcburetmə alətlərindən, şantajdan, hakimiyyətin konstitusiyaya zidd olaraq dəyişdirilməsi cəhdlərindən istifadə edərək onlardan asılı olan dövlətlərə getdikcə daha təcavüzkar şəkildə öz şərtlərini diktə edir, deyə Patruşev bildirib və Moldovanı nümunə göstərib.
"Moldova rəhbərliyi Qərbin təzyiqi altında və öz xalqının iradəsinə zidd olaraq Aİ-yə qoşulma, rumınlaşma, suverenlikdən və milli kimlikdən imtina kursu götürüb. Mahiyyətcə, Moldova Qərbin müstəmləkə siyasətinin növbəti qurbanı olmağa risk edir", deyə o qeyd edib.
Cənubi Qafqaza toxunan RF TŞ rəhbəri burada da kollektiv Qərbin mənfi roluna toxunub.
"Azərbaycan və Ermənistan arasında nizamlanma yalnız regiondankənar qüvvələrin münaqişəyə müdaxilə etməyə son qoyacağı halda mümkündür. Qərb ölkələrinin hərəkətləri regionda vəziyyətin pisləşməsinə səbəb olur və oradakı fikir ayrılıqlarının davam etməsinə gətirib çıxarır", deyə o bildirib.
Mərkəzi Asiyada da Qərbin təqsiri var, o, burada "region ölkələrini Rusiyadan ayırmağa çalışır". 02D
-
- Cəmiyyət
- 8 Noyabr 2023 12:50
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz