Hakimiyyətin NDİ-nin (ABŞ Milli Demokratiya İnstitutu) Bakı ofisi ilə bağlı yaratdığı gərginlik süni gərginlikdir, məqsəd Azərbaycanı beynəlxalq aləmdən təcrid etməkdir. Bu barədə bir qrup qeyri-hökumət təşkilatının bəyanatında deyilir.
Sənədi Sumqayıt Gənclərinin Hüquqi Maarifləndirilməsi İctimai
Birliyi, Demokratiya və İnsan Hüquqlarını Müdafiə Mərkəzi, Müasir Dünya İqtisadi Maarifləndirmə, Xatun Qadınların Sosial Problemlərinin Həllinə Yardım, Sağlam Gələcək Uğrunda ictimai birlikləri imzalayıblar.
QHT-lər hesab edirlər ki, Azərbaycanda vətəndaş cəmiyyətinin inkişafına dəstək verən bir sıra beynəlxalq qurumların Azərbaycan hakimiyyətinin səyi ilə ölkədən çıxarılması bir daha sübut edir ki, hökumət beynəlxalq QHT-lərin işini əngəlləməklə demokratiyanın inkişafına mane olmaq fikrində israrlıdır.
Sənəddə xatırladılır ki, beynəlxalq arenada xüsusi şəkisi olan Fridrix Nauman Fondu, German Marşal Fondu Azərbaycanda yalnız koordinator səviyyəsində təmsil olunur. “Freedom House”, “Amnesty İnternational” kimi nüfuzlu beynəlxalq hüquq-müdafiə qurumları isə Azərbaycandakı durumu davamlı olaraq diqqətdə saxlasa da iqtidar onların Bakıda ofis açmalarına imkan vermir.
“NDİ ətrafında aparılan çirkin şounu kəskin pisləyir və vətəndaş cəmiyyətinin inkişafına verilən dəstəyə qarşı atılan addımlara son qoyulmasını tələb edirik”, - bəyanatda qeyd olunur.
NDİ-nin “facebook inqilabı”na vəsait ayırması haqda xəbərlərə Aleks Qriqoryevsin Azərbaycan Beynəlxalq Bankındakı hesabından çıxarışlar da əlavə olunub. Bir sıra ekspertlər bu faktı Azərbaycanda bank sisteminin böyük qüsuru kimi dəyərləndirir.
“Müştərisinin bank hesablarını onun razılığı olmadan ictimaiyyətə açan Azərbaycan Beynəlxalq Bankı məsələ ilə bağlı hüquqi məsuliyyət daşıyır. Belə bir qənaətə gəlmək olar ki, bütün dünyada tətbiq olunan, bank xidmətinin təməl prinsipi sayılan bank sirri Azərbaycanda ancaq bir qrup korrupsioner məmurun maraqlarına xidmət edir”, - sənəddə deyilir. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz