QHT-lər prezidenti mürtəce düzəlişləri imzalamamağa çağırıblar

Azərbaycan QHT-lərinin rəhbərlərindən ibarət bir qrup parlamentin bu yaxınlarda qanunvericiliyə qəbul etdiyi vətəndaş cəmiyyətinin işini məhdudlaşdıran düzəlişləri imzalamamaq xahişi ilə prezident İlham Əliyevə müraciət edib. 

Mətni İnsan Hüquqları Klubundan Turan-a daxil olan müraciətdə deyilir ki, 2012-ci il iyulun 2-də Prezident Administrasiyasının ictimai-siyasi şöbəsinin müdiri cənab Əli Həsənov vətəndaş cəmiyyətini təmsil edən çoxsaylı şəxslərlə görüşdə dövlətin vətəndaş cəmiyyətinin inkişafına şərait yaradacağını bildirib.

Görüşdən 7 aydan artıq bir müddət keçsə də, vətəndaş cəmiyyəti sektorunun səsləndirdiyi təkliflərin nəinki reallaşdırılması, heç müzakirəsinin də həyata keçirilmədiyi qeyd edilib.

Müraciət müəllifləri prezidentdən qanuna düzəlişləri imzalamamağı və vətəndaş cəmiyyətinin inkişafına real dəstək göstərməyi xahiş edirlər. Müraciəti 22 QHT rəhbəri imzalayıb.

Xatırladaq ki, fevralın 15-də parlament “Qrantlar haqqında”, “QHT-lər (ictimai birliklər və fondlar) haqqında” və İnzibati Xətalar Məcəlləsinə düzəlişlər qəbul edib. Düzəlişlərə əsasən, qrant müqavilələri haqqında məlumat verməməyə, qrant müqaviləsi olmadan ianə və digər maddi yardım almağa, nağd ianə almağa görə 500 manatdan 15 min manata qədər cərimələr müəyyən edilib. Hüquqpozma obyekti olan vəsaitlər müsadirə ediləcək.

Formal olaraq düzəlişlərin müəllifi kimi bitərəf deputat Çingiz Qənizadə çıxış edib. Lakin bu təşəbbüsün prezident administrasiyasından gəldiyi ekspertlərdə şübhə doğurmur. -16D06- 

 

Rəy yaz

Siyasət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti