QHT-lərin Avropa İttifaqının vəzifəli şəxslərinə birgə məktubu

Bazar ertəsi Şərq Tərəfdaşlığı ölkələrinin Vətəndaş Cəmiyyəti Forumu 75 digər QHT-yə qoşulub və Avropa İttifaqının, Avropa Komissiyasının rəhbərlərinə və Aİ-nin xarici işlər və təhlükəsizlik siyasəti üzrə nümayəndəsinə İlham Əliyevin hazırki səfərindən onu Azərbaycanda insan hüquqlarının pozulmasına son qoymağa razılaşdırmaq üçün istifadə etmək çağırışı yer alan məktubu imzalayıb.

Məktubda xatırladılır ki, Əliyev Brüsseldə Aİ və Azərbaycan rasında yeni müqavilənin bağlanması haqqında danışıqlar aparır və eyni zamanda, Bakı tənqidi jurnalistikanın və siyasi müxalifətin fəaliyyəti üçün məkanı məhdudlaşdırır, bir çox fəalları təqib və həbs edir.

Hakimiyyət vətəndaş cəmiyyətinə qarşı qanunvericilik səviyyəsində məhdudiyyətlər tətbiq edərək öz repressiyalarını qanuniləşdirməyə çalışır.

Hakimiyyətin 2017-ci ilin yanvarında bəzi məhdudiyyətləri aradan qaldırdığı haqqında vədləri inandırıcı deyil və təsdiqini tapmır.

Buna görə Şərq Tərəfdaşlığı Vətəndaş Cəmiyyəti Forumu Avropa İttifaqı rəhbərliyindən Əliyevlə görüşlərdə:

* qanunsuz həbs olunmuş hüquq müdafiəçilərinin, jurnalistlərin, vətəndaş cəmiyyəti nümayəndələrinin və siyasi fəalların, ilk növbədə də İlqar Məmmədovun dərhal və qeyd şərtsiz azad edilməsində;

* QHT-lərin işini məhdudlaşdıran qanunlarda və normativ aktlarda islahatlar aparılmasında və Venesiya Komissiyasının tələb etdiyi kimi, müstəqil maliyyələşməyə olan qadağanı aradan qaldırılmasında;

* Hüquq müdafiəçilərinin, jurnalistlərin, vətəndaş cəmiyyəti fəallarının və siyasi fəalların siyasi motivli məhkəmə təqiblərinə son qoyulmasında;

* Azad edilmiş hüquq müdafiəçiləri, jurnalistlər, vətəndaş cəmiyyəti fəalları və siyasi fəallar barəsində hökmlərin ləğv olunmasında və onların yer dəyişmək azadlığına olan hazırki məhdudiyyətlərin aradan qaldırılmasında;

* Müstəqil KİV-in işini və söz azadlığını, o cümlədən İnternetdə söz azadlığını məhdudlaşdıran qanunvericilik aktlarında islahatlar aparılmasında israr etməyi xahiş edir. -02D-