Qırğızıstan mütəşəkkil cinayətkar dəstənin saxlanılan beş üzvünü Azərbaycana təhvil verib

Qırğızıstan hakimiyyəti "Qırğızıstan rəhbərliyinə sui-qəsd hazırlayan transmilli mütəşəkkil cinayətkar dəstənin beş üzvünü" Azərbaycana təhvil verib.

Rəsmi Bakının sorğusu əsasında onlar Azərbaycan DİN-in nümayəndələrinə təhvil verilib, bu barədə Qırğızıstanın Milli Təhlükəsizlik Komitəsinin mətbuat xidməti məlumat yayıb.

Bu idarənin məlumatına görə, həmin Azərbaycan vətəndaşları martın 20-də "kriminal təsirlərini, o cümlədən cinayətkar ideologiyalarını yaymaq və möhkəmləndirmək, həmçinin xüsusilə ağır cinayət - sifarişlə qətl törətmək" üçün Qırğızıstana gəliblər.

Xüsusən, onların ölkə rəhbərliyinə sui-qəsd hazırladığı iddia olunurdu. Lakin bu ciddi cinayətin heç bir dəlili və ya şahidi təqdim edilməyib. Eyni zamanda, bu cinayətin təşkilatçılarının niyə mühakimə olunmadığı və istintaq aparılmadan sadəcə olaraq ölkədən deportasiya edildiyi aydın deyil.

Öz növbəsində, rəsmi Bakı hələlik bu faktla bağlı şərh verməyib.