Bakı/30.08.23/Turan: Azərbaycan Qızıl Aypara Cəmiyyətinin Qarabağ erməniləri üçün göndərdiyi 40 ton unu daşıyan iki yük maşını hələ də Ağdam və Xankəndi arasında Rusiya sülhməramlılarının postundadır.
Qızıl Aypara Cəmiyyətinin baş katibi Ceyhun Mirzəyevin Turan-a verdiyi məlumata görə, sülhməramlılara unun keyfiyyəti haqqında sertifikat təqdim edilib. Çuvallarda qablaşdırma tarixi qeyd edilib - 28 avqust 2023-cü il.
"Onlar komandanlıqla müzakirə üçün vaxt istəyiblər", deyə Mirzəyev bildirib.
Cavab gələnə qədər Qızıl Aypara Cəmiyyətinin nümayəndələri bu ərazidə qalacaq, deyə o qeyd edib. Postun yaxınlığında Qızıl Aypara Cəmiyyətinin nümayəndələrinin və könüllülərin çadırları quraşdırılıb.
Bu arada, sülhməramlılar Xankəndi istiqamətində keçidə mane olmaq üçün gecə öz postlarında tikanlı məftil və millər quraşdırıblar.
Azərbaycan prezidentinin köməkçisi Hikmət Hacıyev BBC-yə müsahibəsində bildirib ki, Laçın-Xankəndi yolu Ağdam yolu açıldıqdan 24 saat sonra açılacaq. "Nə qədər çox yol olsa, hamı üçün o qədər yaxşıdır", deyə o qeyd edib. 21B06
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz