Qriqori Karasin: �Rusiya Azərbaycan ilə əməkdaşlığın inkişafında maraqlıdır�

Bakı/27.09.18/Turan: Çərşənbə günü Bakıda Azərbaycan və Rusiya Xarici İşlər nazirlikləri arasında məsləhətləşmələr keçirilib. Tərəflərin nümayəndə heyətlərinə nazir müavinləri Xələf Xələfov və Qriqori Karasin rəhbərlik ediblər. Bu barədə Azərbaycan XİN mətbuat xidməti məlumat verib.

Görüş zamanı qeyd olunub ki, inkişaf edən strateji tərəfdaşlıq münasibətləri hər iki tərəfin maraqlarına cavab verir, həmçinin regionda sabitliyin və tərəqqinin əldə olunmasında vacibdir.

Tərəflər yüksək səviyyədə intensiv dialoqun olduğunu, çoxsaylı ikitərəfli sənədlərin əlaqələrin daha da möhkəmləndirilməsi üçün mühüm təkan verdiyini qeyd ediblər.

X.Xələfov sənaye, kənd təsərrüfatı, turizm, nəqliyyat və kommunikasiya, təhsil, səhiyyə və s. sahələrdə əməkdaşlığın genişləndirilməsi üçün potensialın olduğunu vurğulayıb.

İki ölkə arasında əmtəə dövriyyəsi dinamik olaraq artır. Azərbaycan RF-nin 70 regionu ilə ayrıca əməkdaşlıq edir.

G.Qarasin əməkdaşlığın müxtəlif formatını, o cümlədən parlamenlərt və idarələr arasındakı əməkdaşlığı qeyd edib. Rusiya Cənubi Qafqazda aparıcı mövqe tutan Azərbaycanla əməkdaşlığın inkişafında maraqlıdır.

Q.Karasin Ermənistan-Azərbaycan münaqişəsinin dinc yolla nizamlanması üçün vasitəçilik səylərinin davam etdirilməsinin vacibliyini vurğulayıb.

Qeyd edək ki, məsləhətləşmələr RF prezidenti Vladimir Putinin sentyabrın 27-də Bakıya səfəri ərəfəsində keçirilib.-06D--