Qubad İbadoğluna qarşı ittihamlar “satiradır” - Konqresmen Raskin

ABŞ konqresmeni Ceyms Raskin (D-Maryland) hesab edir ki, Azərbaycan hökumətinin doktor Qubad İbadoğlunu saxlaması üçün istifadə etdiyi ittihamlar – dini ekstremizmi dəstəkləmək üçün saxta pul əldə etmək – “o qədər şübhəli və əsassızdır ki, onları satira adlandırmaq olar”.

Turanın Vaşinqton müxbiri xəbər verir ki, konqresmen ABŞ Konqresində çıxışı zamanı deyib: “İbadoğlunun əsl “cinayəti” onun Azərbaycanda demokratiya, azadlıq və korrupsiyaya qarşı mübarizə işində fədakarlığıdır”.

Raskin Azərbaycan hökumətini doktor İbadoğlunu “dərhal” azad etməyə çağıran Amerika konqresmenlərinin qətnamə layihəsinə qoşulan sonuncu amerikalı konqresmendir və o İbadoğlunu “cəsarətli demokrat, parlaq iqtisadçı” adlandırıb.

“Mən konqres üzv kimi ABŞ Dövlət Departamenti, ABŞ-ın Bakıdakı Səfirliyi, ABŞ-ın akademik qurumları və təşkilatları, Avropa Parlamenti və beynəlxalq ictimaiyyətin digər nümayəndələri ilə birlikdə doktor İbadoğlunun və onun səhhəti ilə bağlı dərin narahatlığımı ifadə edirəm. Onun dərhal azad edilməsini tələb edir”, konqresmen bildirib.

“İbadoğlunun ailəsi ilə ünsiyyətinə icazə verilmir. Yeddi aylıq həbsi zamanı İbadoğlu Azərbaycan həbsxanalarına xas olan izdihamlı kameralarda və qeyri-insani şəraitdə saxlanılıb və onun dərmanlardan istifadəsinə icazə verilməyib, xroniki xəstəliklərinin müalicəsinə çox ehtiyacı var. Üstəlik, ona dəfələrlə vəkil və ədalətli mühakimədən məhrum edilib”, o əlavə edib.

Konqresmen onu da qeyd edib ki, İbadoğlu azadlıq və vətəndaş hüquqlarını boğmaq üçün rejim tərəfindən haqsız yerə həbs edilən “çox sayda azərbaycanlıdan biridir”.

“Doktor İbadoğlunun ədalətsiz həbsinə dərhal son qoyulmalıdır!” konqresmen nitqini yekunlaşdırıb.