![Ramiz Mehdiyev Avropa strukturlarının deqradasiyasının mənbələrini tapıb](https://turan.az/resized/media/2015/main/121500140341-750-500-resize.webp)
Ramiz Mehdiyev Avropa strukturlarının deqradasiyasının mənbələrini tapıb
Prezident Administrasiyasının rəhbəri Ramiz Mehdiyev “Avropa strukturlarının deqradasiyasının mənbələri haqqında və ya Azərbaycana münasibətdə ikili standartlar siyasəti. Dünya nizamından “nizamsızlığa” doğru” adlı növbəti kitabını dərc edib.
Ənənəsinə sadiq olan Mehdiyev iddia edir ki, Avropa qurumlarının və təşkilatlarının müxtəlif problemlər üzrə qərarlar qəbul etmək hüququnun inhisarlaşdırılmasına, suveren dövlətlərin daxili işlərinə müdaxiləyə yönəlmiş siyasətdir. Bu zaman insan hüquqları məsələsindən təzyiq aləti kimi istifadə olunur. Mehdiyevin versiyasına görə, məhz bu yaranmış dünya intizamının pozulmasına gətirib çıxarıb.
“İkili standartlar siyasətinin hər yerdə tətbiq edilməsi, “soyuq müharibə” dövrünün blok təfəkkürünə qayıdış və bunun təsiri altında Qərbin Şərq qütbü boyunca hərbi-siyasi təsirinin yayılması onunla nəticələnib ki, Şərqi Avropanın və postsovet məkanının bəzi kiçik dövlətləri bu eskalasiyanın qurbanlarına çevrildi və çevrilməkdədir”, deyə Azərtac agentliyi müəllifdən sitat gətirir.
Mehdiyev yazır ki, Qərb öz geosiyasi istəklərini reallaşdırmaq xatirinə “ölkəmizi qeyri-sabit, pərakəndə və alovlanan bir məkan kimi görməyi arzu edir”.
“Qərb Azərbaycanın təklif etdiyi dialoq və quruculuq fəaliyyəti yoluna gəlmək yerinə, tam qarşıdurmaya getməyə hazırdır”, deyə müəllif yazır.
Mehdiyev Birləşmiş Avropanı uğursuz ideya və qeyri-müəyyən siyasi obyekt adlandırır.
Daha sonra Mehdiyev Aİ-nin “Şərq tərəfdaşlığı” layihəsini konfliktogen layihə adlandırır. Aİ-ni Qarabağ münaqişəsinin tənzimlənməsinə daxil olmaqdan imtina etməkdə, “bəzi hallarda isə danışıqlar prosesinə hətta ziyan vurmaqda” imtina edir.
Mehdiyev Avropa Parlamentini “Aİ-nin anti-Azəbaycan siyasətinin əsas ruporu” adlandırır.
Sonda Mehdiyev Aİ-ni “öz məqsədləri üçün” etiraz hərəkatı yaratmaq məqsədilə qeyri-siyasi məsələləri siyasiləşdirməkdə, Azərbaycanda bəzi QHT-lərin və fondların antidövlət fəaliyyətində ittiham edir.
Sonda Mehdiyev inandırır ki, Azərbaycan Qərbin mühüm tərəfdarı olub və belə də qalmaqdadır. “Biz qarşılıqlı münasibətlərdə yalnız bərabər ola bilərik. Marionetka statusu istisna edilir”, deyə Ramiz Mehdiyev dərin nəticə çıxarır.
Qeyd edək ki, bu kitabda əksini tapan hər şeyi Mehdiyev artıq illərdir çoxsaylı məqalələrində və kitablarında təkrar edir. Bu mənada növbəti remeyk Prezident Administrasiyası rəhbərinin istedadının pərəstişkarlarına yeni heç nə verməyib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz