RATİ amerikalı siyasətçiləri konformizmdə ittiham edir
Reportyorların Azadlıq və Təhlükəsizlik İnstitutu (RATİ) çərşənbə günü Bakıda başlayan ikigünlük Amerika-Azərbaycan forumu ilə bağlı bəyanat yayıb. Forumda 50-dən çox amerikalı siyasətçi, o cümlədən senator və konqresmen iştirak edir.
Bəyanatda deyilir ki, ABŞ siyasətçiləri Azərbaycanın vətəndaş cəmiyyəti, azadlıq və demokratiya prinsipləri ilə həmrəylik göstərmək əvəzinə prezident İlham Əliyevin avtoritar rejiminin təbliğinə yönələn növbəti tədbirdə iştirak edirlər.
Amerika nümayəndə heyətinin Bakıya səfəri ABŞ Dövlət Departamentinin Azərbaycanda insan hüquqları ilə bağlı bir sıra problemlərin - jurnalistlərə, hüquq müdafiəçilərinə və demokratiya uğrunda mübarizə aparan fəallara qarşı fiziki təzyiq hallarının əks olunduğu hesabatın dərcindən iki ay sonraya təsadüf edir.
“ABŞ siyasətçilərinin səfəri və Azərbaycanın avtoritar rejiminin imicinin yaxşılaşdırılmasına yönələn forumda onların iştirakı Ağ Evin demokratiyanın təşviqi proqramına tamamilə ziddir”, - bəyanatda vurğulanır.
“ABŞ nümayəndə heyəti Azərbaycan vətəndaş cəmiyyətinə həmrəylik mesajı göndərmək fürsətini əldən verib - iclasın on sessiyasından bir saatının belə Azərbaycanda insan hüquqları ilə bağlı narahatedici vəziyyətin müzakirəsinə həsr olunmaması xüsusilə məyusluq doğurur”.
Azərbaycanla iqtisadi və siyasi əlaqələri olan dövlətlər ölkədən insan hüquqları sahəsində öz beynəlxalq öhdəliklərinə əməl etməsini tələb etməlidirlər.
RATİ təəssüflə qeyd edir ki, Azərbaycanda ABŞ-ın insan hüquqları sahəsində QHT-lərin fəaliyyətinin məhdudlaşdırıldığı bir vaxtda Amerika nümayəndə heyəti Azərbaycan hökumətinə xoş münasibət göstərir.
Bütün bunlar Azərbaycan hakimiyyətinin özünə inamını möhkəmləndirir ki, bu da repressiyanın artmasına və cəzasızlıq atmosferinin yaranmasına gətirib çıxarır.
Qeyd edək ki, forum iştirakçıları arasında bir çox görkəmli amerikalı nümayəndələr, keçmiş senator Riçard Luqar, Obama Şurasının keçmiş müşaviri Devid Plaf və digərləri var.–06D-
-
- İqtisadiyyat
- 29 May 2013 12:54
-
- İqtisadiyyat
- 29 May 2013 13:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz