Reportyorların Azadlığı və Təhlükəsizliyi İnstitutu (RATİ) təşkilatın rəhbəri və bloger Mehman Hüseynovun azadlıqdan məhrum edilməsi barədə məhkəmə hökmünü qəti şəkildə pisləyib və onun dərhal azadlığa buraxılmasını tələb edib.
RATİ beynəlxalq təşkilatları və dövlətləri Azərbaycanda mətbuat azadlığının pozulmasına görə məsuliyyəti artırmağa və hakim elitaya qarşı sanksiyanın tətbiqinə çağırır.
M.Hüseynovun mühakimə edilməsi onun bloger fəaliyyətinə və beynəlxalq forumlarda Azərbaycan hakimiyyətini ifşa etdiyi üçün RATİ-nin hərəkətinə görə cəzadır. Təkcə bu həftə RATİ Azərbaycanın Mədən Sənayesində Şəffaflıq Təşəbbüsündə (MSŞT) iştirakının dayandırılmasına açıq çağırışlar edib, həmçinin Azərbaycanda jurnalistlərin qətlinin üstünün açılmamasına görə hakimiyyəti pisləyib.
Bundan əlavə, RATİ Azərbaycanda diktator rejimə qarşı Qlobal Maqnitski Qanununun tətbiqinə çağırıb, bəyanatda deyilir.
RATİ fevralın 27-də M.Hüseynovun Mehriban Əliyevanın vitse-prezident təyin edilməsinin qanuni olub-olmaması ilə bağlı videosorgu yaydığını qeyd edir.
Üç gündən sonra M.Hüseynov mühakimə edilib.
Bu, RATİ-yə ilk hücum deyil. Təşkilatın əvvəlki sədri Rasim Əliyev amansızcasına döyülmə nəticəsində öldükdən sonra M.Hüseynov rəhbərliyi öz üzərinə götürüb.
Rasimin ölümündən bir il öncə hakimiyyət RATİ-nin ofisində axtarış aparıb, təşkilatın əmlakını müsadirə edib. RATİ-nin o zamankı rəhbəri Emin Hüseynov 9 ay İsveçrə səfirliyində gizlənməli olub. Sonradan vətəndaşlıqdan məhrum edilərək faktiki olaraq ölkədən qovulub.
RATİ YUNESKO-nu Mehriban Əliyevanı xoş məramlı səfir statusundan məhrum etməyə çağırır. Çünki BMT dəyərlərindən olan mətbuat azadlığı Azərbaycanda kobud şəkildə pozulur.
RATİ Avropa Şurası, ATƏT və BMT-ni Bakıya təzyiq göstərməyə və insan hüquqları sahəsində öz öhdəliklərini yerinə yetirməsini tələb etməyə çağırır.
RATİ beynəlxalq donorları - Beynəlxalq Valyuta Fondu, Dünya Bankı, Avropa İnvestisiya Bankı, Avropa Yenidənqurma və İnkişaf Bankını hökumət vətəndaş cəmiyyəti fəallarına qarşı repressiyalara son qoyacağı ilə bağlı zəmanət verməyənə qədər hakim rejimin təşəbbüslərini dəstəkləməməyə çağırıb.—06D—
Siyasət
-
ABŞ Dövlət katibi Marko Rubio cümə günü əksər mövcud xarici yardım qrantlarının 90 gün müddətinə dayandırılmasını əmr edən göstəriş imzalayıb. Bu qərar Dövlət Departamenti rəsmilərini şoka salıb və Politico-nun məlumatına görə, Ukraynaya hərbi yardımın maliyyələşdirilməsini hədəfə alıb.
-
İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan Xarici İşlər Nazirliyinə (XİN) çağırılıb, bu barədə Azərbaycan XİN-in yanvarın 25-də yaydığı məlumatda bildirilir.
-
Rusiyalı müstəntiqlər, Azərbaycan Hava Yolları (AZAL) tərəfindən idarə olunan 8243 saylı reysin qəzasının raket zərbəsi nəticəsində baş verdiyini təsdiqləyiblər. Bu barədə istintaqa yaxın mənbələrin yeni məlumatlarına istinadən Azərbaycan hökumətyönlü nəşri AnewZ xəbər verir.
-
Azərbaycanın özəl yayım kanalı Baku TV çərşənbə günü efirdə “Rus Evi”ni mədəni və humanitar fəaliyyət adı altında anti-Azərbaycan casusluq fəaliyyəti ilə məşğul olmaqda ittiham edən reportaj yayımlayıb. Reportajda “etibarlı mənbələr”ə istinad edilib, lakin mənbələrin kimliyi açıqlanmayıb. İddialara görə, Rusiya mədəniyyət mərkəzi milli ziddiyyətləri qızışdırır və kəşfiyyat fəaliyyəti üçün baza rolunu oynayır.
Rəy yaz