Rauf Mirqədirova türk vəkil tutmağa icazə verməyiblər
İstintaq orqanı həbsdə olan jurnalist Rauf Mirqədirova hüquqlarının müdafiəsi üçün Türkiyədə vəkil tutmaq məqsədilə etibarnamə verməyə icazə verməyib.
Müvafiq müraciət 10 gün əvvəl Baş Prokurorluğun müstəntiqi İbrahim Ləmbəranskiyə göndərilib, lakin mənfi cavab gəlib. Bu barədə jurnalistlərə vəkil Elmar Süleymanov bildirib.
Müdafiə tərəfi hesab edir ki, aprelin 19-da Rauf Mirqədirovun Türkiyə hakimiyyəti tərəfindən saxlanılması və Azərbaycana təhvil verilməsi deportasiya deyil, ekstradisiya idi.
Türk vəkillərə etibarnamə verilməsindən imtina edən istintaq Mirqədirovun Azərbaycan Konstitusiyasında və Avropa İnsan Hüquqları Konvensiyasında zəmanət verilmiş hüquqlarını pozur. O cümlədən, məhkəmə şikayəti vermək hüququ pozulub.
Vəkilin fikrincə, Türkiyə məhkəməsi Mirqədirovun Azərbaycan hökumətinə təhvil verilməsi zamanı hüquqlarının pozulmasını etiraf edirsə, bu, prosesin əvvəlindən onun hüquqlarının pozulması demək olacaq. Bu, işin Avropa İnsan Hüquqları Məhkəməsində qazanılması ehtimalını artırır. Süleymanovun fikrincə, buna görə istintaq Mirqədirovun Türkiyədə məhkəmə çəkişməsi başlatmasına mane olur.
Süleymanovun sözlərinə görə, türk vəkillər Mirqədirovun hüquqlarını müdafiə etmək istəyir, lakin bünün üçün etibarnamə verilməlidir.
Müstəntiqin Mirqədirova etibarnamə verməyə icazə verməməsindən Nəsimi rayon məhkəməsinə şikayət veriləcək, deyə vəkil bildirib. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz