REAL-ın idarə heyətinin üzvü Baş Prokurorluqda 5 saat dindirilib
Respublikaçı Alternativ (REAL) Hərəkatının idarə heyətinin üzvü Azər Qasımlı şənbə günü Azərbaycan Baş Prokurorluğunun Ağır Cinayətlər üzrə İstintaq İdarəsində 5 saat dindirilib.
Qasımlının Turan-a verdiyi məlumata görə, onu İran səfirliyinin əməkdaşlarının REAL ofisinə gəlməsi haqqında dindiriblər.
Qasımlı qeyd edib ki, görüş məxfi deyildi və təşkilat özü onun haqqında məlumat və foto yayıb. Digər tərəfdən, bundan əvvəl REAL ofisinə ABŞ, Böyük Britaniya, Almaniya, Niderland və digər ölkələrin səfirliklərinin əməkdaşları da gəlib və bu barədə KİV-də məlumat verilib.
O, Baş Prokurorluğun araşdırmasını "qanunsuz addım və REAL-a və onun lideri, Avropa İnsan Hüquqları Məhkəməsinin qərarına baxmayaraq, hələ də həbsdə saxlanılan İlqar Məmmədova təzyiq məqsədi güdən siyasi sifarişin icrası" kimi qiymətləndirib.
"Maraqlıdır ki, sentyabrda yenə məni Prokurorluğun elə bu idarəsində dindirmişdilər və bizi ABŞ-ın maliyyələşdirməsində ittiham etmişdilər", deyə Qasımlı bildirib.
Onun sözlərinə görə, yanvarın 30-da REAL-ın icraçı direktoru Natiq Cəfərli də dindirilməyə çağırılıb.
Xatırladaq ki, dünən prokurorluq REAL-ın İran diplomatından pul alması haqqında materialların araşdırıldığı bəyan edib.
Bu "sensasiyanı" Eynulla Fətullayev öz saytında dərc edib. -06D-
-
- İqtisadiyyat
- 28 Yanvar 2017 23:28
-
- Söz istəyirəm
- 30 Yanvar 2017 00:08
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz