![Rəcəb Tayyib Ərdoğan: “Türkiyə və Azərbaycan arasında əmtəə dövriyyəsi 15 milyard dollara çatdırılacaq”](https://turan.az/resized/750/500/resize/media/2020/main/022500024986.jpg)
Rəcəb Tayyib Ərdoğan: “Türkiyə və Azərbaycan arasında əmtəə dövriyyəsi 15 milyard dollara çatdırılacaq”
Bakı/25.02.20/Turan: Çərşənbə axşamı Bakıda Azərbaycan və Türkiyə prezidentləri İlham Əliyev və Rəcəb Tayyib Ərdoğanın iştirakı ilə Azərbaycan-Türkiyə Yüksək Səviyyəli Strateji Əməkdaşlıq Şurasının 8-ci iclası keçirilib.
“Anadolu” agentliyinin məlumatına görə, Ərdoğan iki ölkə arasında ticarət dövriyyəsinin 4,5 mlrd. dollardan 15 mlrd. dollara qədər artırılmasına tərəfdar olduğunu bildirib. “Bu, mənim hədəfimdir”, - o deyib.
Toplantının açılışında Ərdoğan Qarabağ münaqişəsinə toxunub. İlham Əliyevin “Dağlıq Qarabağ Azərbaycandır, nida” bəyanatını xatırladan Ərdoğan deyib: “Həmin bəyanata bizim imzanı da atmaq istəyirəm”.
Sonra o, Azərbaycanda həyata keçirilən islahatları dəstəklədiyini bildirərək Türkiyənin onların reallaşmasına kömək etməyə hazır olduğunu bildirib.
“Biz Bakı-Tbilisi-Qars dəmir yolu, TANAP, Star Refinery kimi nəhəng birgə layihələr həyata keçirdik. Məqsəd qarşılıqlı ticarətin təxminən 4,5 milyard dollardan 15 milyard dollara qədər artırılmasıdır”, - o deyib.
İlham Əliyev cavab sözündə deyib ki, Türkiyə və Azərbaycan arasında münasibətlər bütün sahələrdə uğurla inkişaf edir, yeni müqavilələr isə onları daha da möhkəmləndirəcək.
Görüşün sonunda brifinqdə çıxış edən Ərdoğan Naxçıvan ilə Türkiyə arasında dəmir yolu əlaqəsinin qurulmasını mühüm addım adlandırıb. Bu, Azərbaycanın bu bölgəsinin təhlükəsizliyini artıracaq.
Dağlıq Qarabağ probleminə toxunan Ərdoğan deyib: “Qarabağ Azərbaycanın problemi olduğu qədər bizim də problemdir. Biz Dağlıq Qarabağ probleminin Azərbaycanın suverenliyi və ərazi bütövlüyü əsasında həll etməyi çox istəyirik”. -0-
-
- Aktual Reportaj
- 25 Fevral 2020 17:42
-
- Qafqaz
- 25 Fevral 2020 18:34
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz