Çərşənbə axşamı axşam saatlarında saxlanılmış keçmiş müdafiə naziri Rəhim Qazıyev gecəyarısı azad edilib.
Məlum olub ki, Qazıyev "Azadlıq radiosu"nun Azərbaycan xidmətinin ofisinə gedərkən onu mülki geyimli şəxslər saxlayıb. Sabiq nazirin sözlərinə görə, onu avtomobilə mindirərək DİN-in Mütəşəkkil Cinayətkarlığa qarşı Mübarizə İdarəsinə aparıblar.
Orada Qazıyev saxlanmasının mətbuatdakı çıxışları ilə əlaqədar olduğunu başa düşüb. "Onlar mənə "nədənsə orada-burada yazmağa başlamısan, özünü yaxşı apar" dedilər", deyə Qazıyev bildirib.
Bundan sonra Qazıyevi kameralardan birinə yerləşdiriblər və gecəyarısı azad ediblər.
Martın 17-də "Azadlıq" qəzetində Qazıyevin prezident İlham Əliyevə açıq məktubu dərc edilib. Məktubda sabiq nazir prezidentin siyasətini kəskin tənqidə məruz qoyaraq, onu korrupsiyaya uğramış məmurları himayə etməkdə, fərqli düşünənləri təqib etməkdə, qeyri-döyüş şəraitində əsgər ölümlərinə qarşı biganəlikdə ittiham edib.
* Qazıyev 1992-93-cü illərdə müdafiə naziri olub. 1993-cü ildə Şuşa şəhərini düşmənə təslim etmək ittihamı ilə həbs edilib və sonradan hərbi cinayətlərə görə ölüm cəzasına məhkum edilib. Daha sonra isə bu cəza ömürlük həbs cəzası ilə əvəz edilib. 2005-ci ildə Qazıyev əfv edilib. -06D-
Siyasət
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz