Rəsmi Bakı İranın 4 diplomatına viza vermir

Rəsmi Bakı İranın Azərbaycan səfirliyinin 4 əməkdaşına viza verməkdən imtina edib. Bu xəbəri İranın “arannyus” xəbər portalı yayıb. 

Mənbə qeyd edir ki, Azərbaycan Miqrasiya Xidməti hər 4 diplomatdan ölkəni tərk etməyi tələb edib. Bu ultimatumun ardınca İran səfirliyində müqavilə ilə çalışan bu 4 əməkdaş iki həftə öncə diqqəti cəlb edəcək dərəcədə məbləğ ödəyərək, Azərbaycan torpağını tərk ediblər. Azərbaycan tərəfin tövsiyəsinə görə iranlı diplomatlar Azərbaycanın Tehran və ya Təbriz konsulluğundan viza almalıdırlar. Lakin Bakının tövsiyəsinə baxmayaraq, sonda bu şəxslərə viza verilməməsi qərarı qəbul olunub. 

Bu şəxslər 10 ildən çoxdur ki, İranın Azərbaycan səfirliyinin idarə və mətbuat bölmələrində çalışırlar. Bu son insidentə kimi Dövlət Miqrasiya Xidməti Azərbaycan XİN-ə bu şəxslərə viza verilməsinə razılıq verib. 

İran və Azərbaycan arasında münasibətlərin genişləndirilməsinə baxamyaraq, ötən il yarım ərzində Azərbaycan tərəfin İranın Bakıdakı nümayəndəliklərinə, o cümlədən iranlıların Bakıdakı orta məktəb müəllimlərinə, İmdad Xomeyni (rə) komitəsi, Qırmızı Aypara Cəmiyyəti və İranın müalicə klinikasına ezam olunan bir çox məmura viza verilmədiyi nəzərə çatdırılır. 

İran tərəfi isə son illərdə Azərbaycandan kənarda qalan Naxçıvanla quru əlaqə yaratmaqla bağlı xidmətləri davam etdirib, Azərbaycanla viza rejimini birətrəfli ləğv etdiyini vurğulayır. -05D-