Rəsmi Yerevan Zəngəzur dəhlizində beynəlxalq nəzarətin əleyhinə deyil
Ermənistanın xarici işlər nazirinin müavini Mnatsakan Səfəryan təsdiqləyib ki, Ermənistanın Sünik vilayəti (Zəngəzur dəhlizi) vasitəsilə nəqliyyat kommunikasiyalarının təhlükəsizliyinə nəzarət özəl təhlükəsizlik agentliklərinə verilə bilər.
O qeyd edib ki, baş nazir Nikol Paşinyan bildirib ki, kommunikasiyaların mühafizəsini özəl təhlükəsizlik agentliklərinə həvalə etmək mümkündür. "Bəli, baş nazir dedi ki, bu, mümkündür. Hazırda əlavə məlumat yoxdur", - nazir müavini deyib və qeyd edib ki, "belə olan halda özəl mühafizə şirkəti Azərbaycan ərazisindən keçəcək kommunikasiyaların bir hissəsini də qorumalıdır".
Onun sözlərinə görə, bu, ölkənin suverenliyi prinsipini pozmur. O həmçinin qeyd edib ki, sərhəddə erməni sərhədçilər və gömrük işçiləri də olacaq.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz